Kuarta nga dunay stipler, buslot ug papilit, dili dawaton sa mga banko

Posted on

DAKBAYAN SA DABAW (Mayo 10) — Nag-abiso karon ang Bangko Sentral ng Pilipinas (BSP) nga dili dawaton sa mga banko ang mga kuarta nga dunay depekto.

Sumala ni Bangko Sentral-Cebu Regional Director Leonides Sumbi naghitak karon ang mga kuarta kay eleksyon.

Apan iyang gi-warningngan ang katawhan “Ang kuarta nga papel nga dunay buslot sa stipler, papilit, sticker ug buslot, dili kana dawaton sa banko, gi-konsidera kana nga daut nga kuarta ug dili na madawat.”

“Naghitak karon ang kuarta nga naay stipler, papilit ug sticker, kung naa mo ana tanggala na, kay dili jud na dawaton sa mga bangko,” saysay ni Sumbi.

Karong mga panahuna, naay mga kuarta nga dunay papilit ug sticker sa kandidato nga dunay mga ngalan, apan, angayan nga walay marka ang mga kuarta ug buslot.

Wala man kuno gi-akusar ni Sumbi ang mga politiko, apan, iyang gipahimangnuan ang publiko nga dili dauton ang kuarta.-Jian A. Padillo/NewsLine.ph

Be informed
  •  
  •  
  •  
  •  
  •  
  •  
  •  
  •  
  •