DAKBAYAN SA DABAW (Mayo 22)—- Way suerte ang 181 AA Kasosyo Party-list ni Mocha Uson bisan pa man sa iyang mga paningkamot.
Sa pinaka-ulahing tala sa Commission on Elections (Comelec) ang ” AA-KASOSYO PARTY” nakakuha lang og 119,196 ka boto, samtang ang partylist sa mga Tulfo nga ACT-CIS nakakuha ug 2,609,055 o posible nga mapalingkod ang tulo ka nominado sa Congreso.
Gani, nakugang si Salvador Panelo, ang tigpamaba ni Presidente Rodrigo Duterte sa dihang iyang nahibaw-an nga kulelat ang party-list ni Mocha.
“Ha? hindi siya nakuha, paano nangyari ‘yon?”, saysay ni Panelo.
Milaom si Mocha nga ang pag-indorso ni Duterte kaniya magbunga ug daghang boto, ug ang iyang relasyon sa mga Overseas Filipino Workers (OFWs) makatabang sa iyang kandidatura.
Samtang adunay mga OFW nga nanghinaway kang Uson kay matud pa nila, wala man kuno siyay nahimo gawas sa iyang pagpahulagway sa mga tawo sa iyang pagbisita.
Aduna usab mga suporter si Uson nga naglagot sa Comelec kay nagtuo sila nga gimani-obra ang boto ni Uson tungod kay dili kini magpalupig.
Sukwahi kang Uson, si Tulfo mangunay ug hatag ug tabang sa mga nanginahanglan ug dili kini mo-undang hangtud dili masolusyonan ang problema.
Gikinahangalan ug tres sientos singkuenta mil (350,000) ka boto ang usa ka partylist aron ang unang nominado makakuha ug usa ka bangko sa kongreso.
Bisan pa man sa iiyang kaparutan, nagpasalamat si Mocha sa iyang mga suporters ug gani nagtuo kini nga nabiktima siya sa smatmatic.-ezc/newsline.ph