”Bikoy” mikakak, saad nga P500-K naimpas

Posted on

DAKBAYAN SA DABAW (Mayo 24) —- Mikakak na si Peter Joemel Advincula alias “Bikoy” ug ang gisaad nga kenyentos mil (P500,000) nga kuarta alang sa iyang pagpamakak sa ‘Bikoy’ video series naimpas.

Sa iyang pagsurender, niadtong Mierkules didto sa Northern Police District, gi-angkon ni Advincula nga siya si “Bikoy” ug ang nagpaluyo sa mga plano nga dauton aron mapalagpot si Presidente Rodrigo Duterte milangkob nila si Senador Antonio Trillanes, Risa Honteveros ug usa ka negosyante.

Gisaaran kuno si Advincula sa grupo ni Trillanes ug dakong kantidad, apan, hangtud sa iyang pag-surender, wala siyay nadawat.

Mi-angkon si Advincula nga puros tumo-tumo og bakak ang unod sa ”Ang Totoong Narco-list” video series ug kini gituyo aron atakihon ang pamilya ni Presidente Rodrigo Duterte aron motaas ang pagsalig sa katawhan sa ga kandidato sa Otso Diretso, nga ilawom sa Lilberal Party.

Gibutyag ni Advincula nga kauban iyang gitudlo sila si Senador Antonio Trillanes, Risa Honteveros, ug mitabang usab daw kuno ang napilding kandidato sa Otso Diretso nga si Atorni Chel Diokno ug uban pang personalidad nga maoy napaluyo sa lima ka seryeng video ”Ang totoong Narcolist”.

Matud ni Advincula dugay nang giplano ang ilang lakang aron palagputon si Duterte sa puesto aron makalingkod na si Bise Presidente Leni Robledo ug daku kuno ang posibilidad nga si Trillanes ang himoung Bise Presidente.

Ang mga gibutyag ni Advincula niadtong Huebes sukwahi sa iyang gimakmak sa video nga gipagawas niadtong miaging buwan.

Gani, gipanghimakak ni Trillanes ug sa mga lideres sa LP ang gibatbat ni Advincula. Ila pa gani kining gi-tan-aw nga stratehiya sa Malankanyang aron kuno itago ang dagkong isyu.

Apan, matud pa ni Salvador Panelo, ang tigpamaba ni Duterte, kinahanglan kuno nga palaluman ni Advincula ang iyang mga legasyon batok sa LP.

Matud ni Advincula, nasayod kuno siya nga dili na basta-basta motuo ang katawhan kaniya. Apan, iyang gibarugan nga iyang gisaysay ang kamatuoran tungod kay naapetuktuhan na ang iyang inahan.

Wala pa mahutdi ug isyu nga pag-pangdaut ang mga kritiko ni Duterte, apan luyo niini nagkataas ang pagsalig sa kawtahan kaniya. Gani, makita kini sa taas kaayo nga “Trust Rating” sa mga survey nga gihimo sa mga iladong survey agency sa nasud.-ezc/NewsLine.ph

Be informed
  •  
  •  
  •  
  •  
  •  
  •  
  •  
  •  
  •