Mandu ni Digong: ‘Smartmatic’ Ihunong

Posted on

DAKBAYAN SA DABAW (Hunyo 1) — Gimandu ni Presidente Rodrigo Duterte sa Cmmission on Elections (Comelec) nga ipaundang na ang serbisyo sa Smartmatic ug mangita ug laing mohatag ug maayong moserbisyo kada eleksyon.

Ang Kamanduan giluatan ni Duterte samtang tua pa siya sa nasud sa Japan.

Sumala ni Duterte nabungol na siya sa mga yawyaw ug reklamo nga iyang nadungog kabahin sa mga palyadong mga vote counting machines ug mga reklamo nga dunay hokus-pukos sa Smartmatic.

Apan, giklaro ni Attorney Salvador Panelo, ang opisyal ngatigapamaba sa President, nga wala kini nagpasabot nga walay ang kredibilidad ang resulta sa milabay nga Midterm elections.

Miluat ug pahayag si DUterte kabahin sa Smartmatic atol sa usa ka panagtagbo kuyog ang libuan ka mga Overseas Filipino Worker (OFW) didto sa Japan, kung diin sya gipangutana: “Nagong magsige man ug salig sa Smartmatic nga problemado man na?”

Sa iyang tubag, miigon si Duterte “Naghatag man hinoun ug kaguliyang ug kabalaka ang serbisyo sa Smartmatic akong gimanduan karon ang Comelec-ilisi na lang na-kay dili na naku na madawat, dili sab na madawat sa katawhan og sa mga Kongresista nga nia dinhi karon.”

Niadtong Milabayng piniliay, daghan ang nagbagotbot tungod kay daghan ug guba nga Vote Counting Machine (VCM) og maoy nakapalangay sa pagpadala sa resulta didto sa National Board of Canvassers (NBOC).

Gawas nga dugay, daghan pa gayud ug palyado nga mga makina.

Human sa pahayag ni Duterte, daling mipagawas ug pamulong ang Comelec nga makigkita sila sa Presidete kabahin sa maong hisgutanan.-jap/newsline.ph

Be informed
  • 125
  •  
  •  
  •  
  •  
    125
    Shares
  • 125
  •  
  •  
  •