Pagpasira sa Kapa, daghan nabalaka

Posted on

DAKBAYAN SA DABAW (Hunyo 9) — Daghan ang nabalaka sa dihang gimanduan ni Presidente Rodrigo Duterte ang Criminal Investigation and Detection Group (CIDG) ug ang National Bureau of Investigation (NBI) nga gukuron ug arestuhon ang opisyal ug mga nagpaluyo sa Kapa Community Ministry, tungod kay payramiding kini ug nakalapas sa balaud.

Daghan karon ang nabalaka tungod kay wala nay kasiguruhan ang ilang madawat ug basin kuno malusaw ilang kuarta nga gibutang.

Miluat si Duterte sa iyang pahayag sa dihang gi-imbitahan siya ni Pastor Apollo Quiboloy sa iyang programa sa television nga “Give us this Day” niadtong Biernes sa gabii, Hunyo 7.

Sa dihang gipangutana ni Quiboloy si Duterte kabahin sa iyang baruganan sa Kapa ug uban pang mga ‘investment scheme”, gilayong gitubag ni Duterte “Ito, it is a continuing crime. So arrest them and investigate it. “

Midugang si Dutetre , “Yan. Isa pa ‘yan. You know, kayong mga CIDG, kayong pulis, the special investigating teams there, the CIDG, ‘yun ang ano ng — NBI, that is pyramiding. When it is good to be true, it is fraud. Biro mo ‘yung 100,000 mo would earn 30,000 a month? Ni bangko na ‘yung Banko Sentral natin magbigay, tres lang porsyento. Ilan ang porsyento ngayon na? Annually ha. “

Ang deklarasyon sa Presidente nakapatay-og sa libuan ka mga investors sa mga negosyo nga naghatag ug dagkung tubo sulod lamang sa usa ka bulan, daghan kanila nasuko tungod kay nakabenepisyo na sila ug nakatabang na kuno sa ilang kawad-on.

Dunay pipila nga mibasol kang Quiboloy, tungod kuno sa iyang pag-apil apil sa isyu sa Kapa nga gipanguluhan ni Pastor Joel Apolinario, ang presidente sa Kapa.

Daghan usab nag akusar sa media nga gibalik ra daw kuno ang isyu kay migawas na kini niadtong bulan sa Septembre 2017.

Daghan karon ang nabalaka, unsa nay mahitabo sa ilang gipondonga kurta apan daghan usab nagsulti nga naka ‘pay out’ na sila.

Si Melanie, 34, taga Magpet North Cotabato, usa na katuig nagbutang ug kaurta sa Kapa, nagsulat sa NewsLine.ph ug nagbutyag nga ang Kapa daku kuno og tabang sa iyang pamilya labi na sa edukasyon sa iyang tulo ka anak.

“Nagbutang ko ug kuarta pag-abot ug usa ka bulan, daku ko ug nadawat og hangtud karon, nagsige pa ko ug dawat sa tubo, diri sa amo wala nay 5-6 kay naa na sa mga investment,” saysay ni Melanie.

Si Jocelyn, 24, kuyog ang iyang upat ka barkada, mga estudyante sa Davao del Norte, nagbutyag nga nagbutang sila ug kuarta sa Rigen Marketing, ug nakadawat sa sila sa ilang gi invest, ug mao kuno ilang gigamit pag pa-enroll.

Nasayod kuno sila nga sugal ang ilang pagbutang, apan “Kay naka-pay out na man mi, aw, amo na lang hulaton ug unsay mahitabo, pero sayang gyud.”

Kadaghanan sa mga naka “Pay in” ug mga naka “Pay Out” nasuko kay ipasira man ni Duterte ang mga “easy money investment scheme”.

Ang usa ka manager sa “investment scheme” na mihangyo nga dili nganlan, nagbutyag sa NewsLine.ph “Wala may ning reklamo sa amo, wala man pud mi gidaganan, kanang naka pay in, amo jud nang atimanon.”

Apan, saysay sa Prediente kinahanglan niyang proteksyonan ang katawhan kay sayud siya nga sa tumoy anang tanan, naa gyud magbangutan.

Sa iyang pagmandu sa NBI ug CIDG nga ipasira ang Kapa ug uban pang sama niini, iyang giklaro “It gets bust. Because sila pa o ito o kasi marami pa, the number is still good. But as the crowd gets thinner kasi nakabigay na lahat, ang ibalik nila kaagad ‘yung 30,000, ibigay ngayon, wala na. Magbigay siguro 5,000 na lang hanggang mawala na ‘yung investor, ‘Pag nawala ‘yung investor, you go kaput. So huwag ninyong gawain ‘yan kasi mapapahiya ako.”-ezc/NewsLine.ph

Be informed
  • 217
  •  
  •  
  •  
  •  
    217
    Shares
  • 217
  •  
  •  
  •