Kapa ‘donors’ nangabot na sa GenSan alang sa dakung ‘Prayer Rally”

Posted on

DAKBAYAN SA DABAW (Huyo 12) ––Nagsugod na ug abot ang gilaumang libuan ka nga donors sa Kapa (Kabus Padatuon) Community Ministry International ang gilaumang mosalmut sa duha ka adlaw nga prayer rally nga pagahinoun sa General Santos City sugod ugma Hunyo 13..

Ang mga musalmot sa rally nagagikan pa sa lain laing lugar sa Mindanao nga bout lang mopadayag sa ilang suporta aron dili ipasara ang Kapa.

Matud pa sa mga tinubdan, gibayran sila sa organizer on tag P1,500 para sa gasolina.

Ang local nga panggamhanan sa GenSan mihatag ug permit alang sa duha la adlaw nga rally nga mahuman ugma Biernes, Hunyo 14

Niadtong Martes, gipa-hold na sa Court of Appeals ang tanang bank accounts og propedad sa Kapa.

Sa sistema sa Kapa, ang mohatag ug kapital, ilang gitaag ug ‘donor’ uban sa kasabutan nga aduna kini traynta (30) porsyento nga tubo matag bulan.

Niadtong Lunes, Hunyo 10, nanawagan si partor Joel Apolinario, ang presidente sa Kapa, sa iyang mga membro nga mosalmot sa prayer rally nga ilang ilusad sa GenSan aron awhagon ang gobierno nga dili ipasara ang Kapa tungod kay nakatabang kuno kini sa katawhang kabus.

Sa pamahayag ni Apolinario sa Facebook sa Kapa, iyang gisaysay nga ang ilang grupo nag-atubang ug dakung hagit karon, tungod kay gi-haras kuno sila sa gobyerno anga unta ang ilang tumong maoa man lanang pagtabang sa mga kabus.

Niadtong milabayng Biernes, Hunyo 7, gimanduan ni Presidente Rodrigo Duterte ang National Bureau of Investigation ug ang Criminal Investigation and Detection Group (CIDG) ang ipasara ang Kapa ug uban pang mga ‘investment scheme’ tungod kay unsa kuno kini ka ‘scam’.

Ubay ubay na nga mga buhatan nga nagpadagan ug ‘investment scheme’ ang nasirad-an tungod kay wala silay nga permit nga napakita kabahin sa ilang negosyo.

Human niini, nangasuko ang mga investors kay daku kunong tabang ang mga ‘investment scheme’ sa ilang panginabuhian.

Apan, nagsige na ug balik-balik ug pahimangno sa Securities and Exchange Commission (SEC) nga wala kapaingnan ang mga donors sa Kapa tungod kay wala kini kapasidad nga mohatag sa gisaad nga interest sa ilang kuarta, kay dili ingon ana kadaku ang kuarta og propedad sa maong organisasyon.-ezc/NewsLine.ph

Be informed
  • 129
  •  
  •  
  •  
  •  
    129
    Shares
  • 129
  •  
  •  
  •