‘Bomber’ sa Abu Sayyaf sikop sa Zamboanga

Posted on

DAKBAYAN SA DABAW (Hulyo 25) — Nasikop sa hiniusang operasyon sa militar ug kapulisan ang suspetsadong ‘bomber’ kon tigpamomba nga miembro sa terroristantng Abu Sayyaf Group didto sa probinsya sa Zamboanga Sibugay, niadtong Mierkules sa alas nuebe sa buntag, Hulyo 23.

Giila ni Lt. Col. Don Templonuevo, kumander sa 44th Infantry Battalion sa Philippine Army, ang suspetsado nga si Isnaji Hasim, sakop ni Furuji Indama, nga naga-basi sa Basilan.

Sumala ni Templonuevo, nadakpan si Hasim sa Barangay Bangkaw-Bangkaw, Naga, Zamboanga Sibugay, human misumbong ang usa ka residente nga tua sya didto nagtago-tago.

Midugang si Templonuevo, nga si Hasim piniyalan ni Hashim Saripa. Si Saripa usa sa mga suspek sa pagpamomba sa checkpoint didto sa Lamitan, Basilan, niadtong Hulyo 31, 2018, nga mikalas sa napulo kinabuhi ug naka-angol sa siyam (9) ka biktima.

Si Hasim gitudlo usab nga maoy usa sa nagpaluyo sa pagpamomba sa terminal sa bus niadtong Enero 23, 2015 didto sa Barangay Guiwan, syudad sa Zamboanga, nga miklas og duha ka kinabuhi samtong 52 ang samaran.

Nakuha gikan kang Hasin ang .30-caliber Browning automatic rifle, usa ka granada ug usa ka hinuo nga bomba ug uban pang mga materyales sa paggama og bomba.-jap/NewsLine.ph

Be informed
  • 106
  •  
  •  
  •  
  •  
    106
    Shares
  • 106
  •  
  •  
  •