Balay nabalhin sa karsada tungod sa baha, van naanod, tulay dili ma-agian

Posted on

DAKBAYAN SA DABAW — Tungod sa kakusog sa bun-og sa tubig baha kagabii, dili maagian ang usa ka bailey bridge sa barangay bangkal, balay nasibog sa tunga sa karsada ug usa ka van ang naanod.

Liboan ka residente ang nibakwit kagabii tungod sa kataas sa tubog nga misulod sa ilang balay.

Bailey Bridge sa Barangay Bangkal naguba sa tubig baha. -Hulagway kuha ni Reeya Nuñez/NewsLine.ph

Usa usab ka tulay sa barangay Pangyan sa Distrito sa Calinan ang naguba ug dili pa kini maagi-an.

Closed van naanud sa baha.-Hulagway ni Reeya Nuñez

Walay pay opisyal nga pamulong ang City Disaster Risk Reduction Management Council kabahin sa danyos sa baha ug padayon pa nilang gituyok ang mga apektadong barangay.

Niadtong milabayng tuig, libuan usab ang namakwit tungod sa baha.

Kagabii, gimando ni Acting Mayor Sebastian ‘Baste’ Duterte ang pagsuspenso sa klase sa pribado ug pangpublikong tulnghaan sa mga lugar nga naigo sa baha.-NewsLine.ph

Be informed
  • 42
  •  
  •  
  •  
  •  
    42
    Shares
  • 42
  •  
  •  
  •