Barangay Kagawad ug 2 ka kauban patay sa NoCot

Posted on

CARMEN, North Cotabato — Tulo ka tawo ang patay niadtong Sabado sa Gabii, Septiembre 28 , didto sa national highway sa Sitio Vilo, Barangay Takepan, Pikit, North Cotabato.

Sumala ni Police Captain Mautin Pangandigan, hepe, sa Pikit municipal police, mga alas 6:45 sa gabii, nag-inom atbang sa tindahan nga daplin sa highway sila si Adrew C. Lumibao, 53, kanhi barangay kapitan nga karon nagsilbing barangay kagawad sa Tapekan, Michael A. Arroyo, membro sa Barangay Peacekeeping Action Team (BPAT) og si Robert L. Ayona (Ig-gaw ni Lumibao) sa dihang kalit silang gipamisul sa wala pa mailhing mga suspetsado.

Sa pasiunang imbistigasyon sa kapulisan, nagsakay sa Innova color ‘gray’ nga walay plaka ang mga suspetsado ug diritsong gipamusil ang mga biktima.

Matud ni Pangandigan, nakakuha ug 35 k a mga basiyo sa wala pa matino nga klase sa pusil ang mga membro sa Scene of the Crime Operatives (SOCO) sa lugar nga nahitabuan.

Gigukod sa kapulisan ang mga suspetsado, apan, wala na kini maapsi.

Padayon pang gi-imbistigahan sa kapulisan ang maong insidente.-Taher G. Solaiman

Be informed
  •  
  •  
  •  
  •  
  •  
  •  
  •  
  •  
  •