2 ka Colonel ‘Ninja Cops” naa sa listahan ni Digong

Posted on

DAKBAYAN SA DABAW –— Walay general sa listahan sa ‘Ninja Cops’ pero, adunay Colonel, kini ang giklaro ni Presidente Rodrigo Duterte niadtong Domingo, Oktobre 6, pag-abot niya gikan sa Russia.

Sa pakighinabi sa membro sa media , didto sa Bangoy International Airport, gibutyag sa President, “eh walang generals doon. But medyo mga — dalawang ano. Wala, walang generals. I’m sure of that. Sa report na dumating sa akin, wala. Parang — colonel I think,” saysay di Duterte.

Dili pa panahon aron silutan ang mga gi-ingong ‘Ninja Cops’ kay pulos pa kini alegasyon, ug gina-imbistigahan pa kini sa Senado.

Gimanduan sa Presidente si Interior Secretary Eduardo Año nga magpahigayon ug imbistigasyon ug ipadala dayon sa Palasyo ang resulta niini.

Ang ‘Ninja Cops’ nahimong dagnay sa mga membro sa kapulisan nga nakasikop sa mga insik nga nagpahuyot ug ilegal nga druga didto sa Luzon, apan imbis nga ihatag ang tanang ilegal nga druga sa istasyon, ila kining gikuhaan ug,naay pagduda nga ila na usab kining gibalik sa ilang dinakpan og gipabayaran, kay ila mang gipagawas ang tonoud nga suspetsado.

Kung moaabot na sa lamesa ni Duterte ang report ni Año, iya kunong desisyonan ang mga rekomendasyon sa Sekretaryo.

Gani, sa kalagot sa President sa gibaniug nga ‘Ninja Cops’ iyang gimakmak si Colonel Raymond Baloyo ” Problema na nimo, misulod ka anang prolemaha, maayo gani buhi pa nang G*** man diay siya.”

Gi-angkon ni Baloyo nga siya ga-ihap sa mga druga gikan sa mga insik, sa gihimong pagpangronda sa Pampanga niadtong 2013, apan matud niya sa iyang kahadluk, sa karsada niya gi-inbintaryo ang mga nakuhang druga, butang nga nakapakurat sa mga senador.

Sa dihang gisukit-sukit si Baloyo sa mga senador niadtong Huwesbes, wala na nagkadimao ang iyang tubag ug gimando ni Senador Richard Gordon ug Panfilo Lacson nga ibalhug siya sa prisohan.-Jiann A. Padillo/NewsLine.ph

Be informed
  • 38
  •  
  •  
  •  
  •  
    38
    Shares
  • 38
  •  
  •  
  •