DAKBAYAN SA ILIGAN —– TIKLO sa Regional Drug Enforcement Unit ning dakbayan ang usa ka kanhi kagawad sa lungsod sa Baloi, Lanao del Norte human kini napalitan ug suspetsadong ‘shabu’ niadtong Mierkulas, Enero 8 didto sa Barangay Poblacion.
Sa usa ka operasyon sa kapulisan nga gipangunahan ni Police Major Allan Abalde, ang hepe sa Iligan City Police Station 5, ilang nadakpan si Jamil Solaiman Camid, nailhan usab sa pangalan nga “Jamjam”.
Si Camid, 44-anyos, kanhi kagawad sa Barangay Poblacion East Baloi, nalakip sa police og gikonsiderang value target sumala ni Abalde.
Usa ka pulis ang nagpatuong molalit ug ‘shabu’ balor Otsenta Mil pesos (P80,000), sakay si Camid sa iyang Toyota Corolla Sedan sa dihang gihimo ang transaksyon.
Gikuha usab sa kapulisan ang cellular phone ni Camid , nga gituohang maoy iyang ginagamit sa iyang transaksyon sa pagpamaligya ug druga.
Matud ni Abalde, upat ka bulan nilang gi monitor ang mga aktibidad ni Camid.-Divina M. Suson