Akusado sa pagpalugos og minor de edad tiklo

Posted on

PRESIDENT ROXAS, North Cotabato — TIKLO sa hiniusang operasyon karong kabii, Pebrero 3, ang wanted sa kasong paglugos sa usa ka minor de edad, ning lungsod.

Gilatas sa mga operatiba ang kangitngit aron itunol ang orden de arresto sa suspetsado nga nagpahulay sulod sa ilang panimalay ug wala na kini milikay samtang gibasahan sa “Miranda Rights” ug sa iyang kaso,

Giila sa kapulisan ang suspetsado nga usa ka Jun-jun, 26 anyos, nga giakusahang milugos sa pag-umangkon sa iyang asawa niadtong Enero 2020.

Basi sa kaso nga gipasaka sa ginikanan sa biktima, mipakanaog gilayon ug warrant of arrest si presiding judge Jose T. Tabosares sa, Regional Trial Court Branch 23.

Sumala sa reklamo, gipahimuslan ni “Junjun” ang bata sa sulod mismo sa ilang pinuy-anan.

Gidala sa mga operatiba nga sakop sa President Roxas PNP, Criminal Investigation Detection Group (CIDG) North Cotatabao, Regional Mobile Force Battalion 12 (RMFB 1203rd Company) sa istasyon sa kapulisan ning lungsod ug gipatigaon ang booking procedure ug gipailawom sa usa ka medikal nga eksaminasyon.

Mag-atubang sa kasong ‘Statutory Rape’ ang suspetsado ug walay piansa nga girekomenda sa maong salaud.- Randy Patches

Be informed
  • 65
  •  
  •  
  •  
  •  
    65
    Shares
  • 65
  •  
  •  
  •