Doktor gikidnap sa Sulu

Posted on

DAKBAYAN SA ZAMBOANGA — Usa ka doktor ang gidagit sulod mismo sa iyang klinika didto sa Barangay Walled City, Jolo, SUlu, niadtong Martes pasado alas 7:00 sa gabii.

Sumala ni Army Major Arvin John Escasinas, tigpamaba sa Western Mindanao Command, gidagit sa wala pa mailhing mga armadong tawo si Dr. Daniel Moreno.

Sumala sa taho nga miabot sa WestMinCom, pugsanong gipasakay ang doktor sa mga suspetsado nga nakasout ug “army uniform” sa naghulat kolor pula nga Tamaraw-Fx.

“Gikan sa iyang klinika miagi sa sakyanan sa Sta Nina Rasul Complex ug nagdagan paingon sa KM3 Indanan, Sulu.

Nagduda ang mga otoridad nga dugay nang gi-monitor si Moreno, una pa man gihimo ang pagpanagit.

Hangtud karong mga tak-naa wala pay nakuhang inpormasyon ang otoridad kung kinsa ang midagit sa doktor, ug wala pa usab mahibaw-i kung diin kini gidala.

Padayon pang gipangita sa mga kasundaluhan ug kapulisan ang biktima.-Richard Falcatan

Be informed
  • 53
  •  
  •  
  •  
  •  
    53
    Shares
  • 53
  •  
  •  
  •