Espenido gitanggal sa Bacolod, gipabalik sa Crame

Posted on

DAVAO CITY — Gitanggal sa iyang puesto ug gipabalik na sa Camp Crame si Pulis Lt. Col Jovie Espenido, ang opisyal sa pulis nga sagad malambigit sa kontrobersyal nga operasyon sa kampanya kontra druga.

Nadistino si Espenido isip deputy chief for operatons didto sa Lungsod sa Bacolod, , apan, niadtong Biernes, mipagawas ug kamanduan si Philippine National Police (PNP) Chief Gen. Archie Gamboa nga tanggalon kini ug pabalikon na sa Camp Crame.

Sumala sa usa ka opisyal sa Philippine National Police (PNP), didto lang kuno sa Crame ang opisyal ug wala pa siyay puesto nga kabalhinan.

Una niini, gitanggal sa ilang mga puesto ug gipabalik sa Camp Crame ang mga opisyal sa pulis nga dunay mga pending nga mga kaso ug ang uban kanila gisuspetsahang nalamibigit sa ilegal nga druga.

Hinoun, dili pa klaro ang rason sa pagtanggal kang Espenido.

Sumala sa order ni Gamboa, pabalikon si Espenido sa Crame ug ibutang sa iyang buhatan.

Sa pagkakaron, sobra na usa ka gatos ka mga opisyal sa PNP ang gibutang sa buhatan ni Gamboa.

Si Espenido ang hepe Albuera, Leyte, sa dihang gipusil patay si Mayor Rolando Espinosa, sulod mismo sa prisohan sa pulis niadtong 2016, namatay si Espinosa kay misukol kuno kini sa dihang gitunol kaniya ang iyang orden de aresto tungod sa iyang kalambigitan sa llegal nga druga.

Gibalhin dayon si Espinosa sa Ozamiz City, nagsunod-sunod ang operasyon sa kapulisan batok sa mga suspetsadong mga ‘druglords’.

Niadtong Hulyo 30, 2017 , gi-ronda sa mga pulis sa pag panguna ni Espenido ug mga operatiba sa Criminal Investigation and Detection Group (CIDG) ang compound ni Ozamiz City mayor Reynaldo ‘Aldong’ Parojinog, nga miresulta sa iyang kamatayon sa mayor ug lain pang kinse (15) pa ka mga indibidual.

Niadtong 2018, nagsulat si Mayor Irene Luansing, sa Department of Interior and Local Government (DILG) og gireklamo niini ang kuno mga ilegal nga pagpangolekta ni Espenido sa mga negosyante ug kuarta, apan hugot kining gipanghimakak ni Espenido.

Niadtong Disyembre 2, 2018, nagsulat na usab ang usa ka grupo kang Presidente Rodrigo Duterte, nga gipadayag ug pasupak sa pagbalik ni Espenido sa Ozamiz.

Sa sulat sa grupo nga gilangkuban sa Concerned Professionals of Ozamiz, ilang gi-akusahan si Espenido sa pagpamutang ug ebidensya ug sa pagsandig sa usa ka politiko didto sa maong lugar ug uban pang mga isyu nga dunay kalambigitan sa pagpangwarta

ALSO READ: ozamiz-professionals-oppose-the-return-of-espenido/

Apan, sa gihapon gipanghimakak kini ni Espenido.-ezc/

Be informed
  • 54
  •  
  •  
  •  
  •  
    54
    Shares
  • 54
  •  
  •  
  •