Rehistro ug pag-renew sa ‘Bike’ suspendido-CTTMO

Posted on

DAKBAYAN SA DABAW —- Temporaryong gisuspenso sa City Traffic and Transportation Management Officer (CTTMO) ang pagparehistro og ang pag-renew sa mga bisikleta tungod kay kinahanglan nga plantsahon pag-ayo ang duha ka ordinansa nga milambigit niini.

Sa pakighinabi sa Newsline niadtong Biernes, Hunyo 10, Gibutyag ni CTTMO chief Dionisio Abude, kinahanglan kunong mohaom sa Bicycle Ordinance sa Comprehensive Transport sa Traffic Code sa Davao City, kay dunay mga diperensya sa mga seksyon niini nga posibleng makaapekto sa mag-implementar sa mga polisiya sa pagpatuman sa bike ordinance.

Niadtong tuig 2019, adunay mokabat sa 139 ka biseklita ang narehistro ning dakbayan, og tungod kay wala pa nasentro ang duha ka balaud trapiko, gi-iway una ang registration ug ang renewal.

Basi sa City Ordinance 0407 Series of 2010 kon Bicycle Ordinance mobayad og P20 matag tag-iya sa bisekleta samtang sa bag-ong Comprehensive Traffic Code of Davao City nga napasar niadtong 2012 mokabat na kini sa P150,” saysay ni Abude.

Saysay ni Abude, nangayo na siya ug legal opinion sa City Legal Office aron maklaro ang mga polisiya “Kay duha man gud ni ka balaud, 2010 ug ang 2012, unya lain lain ang mga bayronon, so, ako sa ning klarohon aron walay kalibog sa pagpatuman sa balaud.

Sa pagkakaron nagsigena ug butang ug “bike lane” sa mga kadalanan, gani mas lisod kuno magmarka sa dalan kay kinahanglan kini ug ispisyal nga pintura, aron maklaro ang agi-anan sa biseklita.

“Naa na ta’y gi-identify na mga kalsada. So ang sunod namo’ng gihimo ani is gi-inspeksyunan ang kalsada – kung kining mga kalsada duna ba’y mga problema, puwede ba ni atong butangan og linya para sa atong bike lane,” dugang ni Abude.-Winkle Mae O. Tabuclao/Newsline

Be informed
  • 13
  •  
  •  
  •  
  •  
    13
    Shares
  • 13
  •  
  •  
  •