Libuan ka ‘donors’ sa KAPA nagpanikad mobawi sa ilang kuarta

Posted on

DAKBAYAN SA DABAW — Libuan ka mga mibutang ug kuarta sa Kabus Padatoon Internal Ministry ((KAPA) ang nagpanikada karon nga mabawi ang ilang gi-donate nga kuarta aron ilang magamit panahon sa pandemya.

Si Santiago Dalin, 60, anyos mag-uuma sa pakighinabi sa Newsline.ph nagpangurog nga nagsaysay nga gusto niya personalon oh adto si Kapa founder nga si Joel Apolinario, aron bawion ang iyang kuarta.

Matud ni Santiago, nalipay ang iyang banay ug yang mga silingan nga nadakpan na si Apolinario human kini nagtago-tago sukad Hunyo niadtong 2019, sa dihang gipa-aresto siya ni President Rodrigo Duterte tungod sa ilang pagpangalap ug donasyon uban sa kasabutan nga mohataga kini og binulan ang porsyento sa ilang kuarta.

“Mura mi og nakaginhawa kay mura’g naay paglaum ngaa kabawi namu among kuarta kay pait kaayo ang panahon karon,” saysay ni Santiago.

Si Rosalina, usa ka magtutudlo nagbutyag nga nakabutang siya ug P50,000 niadtong Mayo 2019, ang kuarta nga iyang gi-donate gikan sa iyang loan, gusto usab niya nga mabawi ang iyang kuarta ug andam kining modawat ug butang nga bugti sa kantidad nga iyang nahatag.

“Kung dili niya mabalik ang cash, mohatag siya ug butang nga mobalor ug P50,000 aron akong mapuslan ang akong hinaguan nga kuarta kay hangtud karon nagbayad pa ko sa akong loan,” saysay sa maestra.

Sumala ni Philippine National Police (PNP) Chief General Archie Gamboa, ang  Kapa investment scam usa sa pinakadaku nga pagpangilad nga nahitabo sa kasaysayan sa nasud nga mibiktima sa gibana-bana nga sinko milyones (5milyon) ka investor ug sagad kanila gikan sa hut-ong sa mga kabus.

Sa iyang pagtukod sa Kapa ministry, gigalgal ni Apolinario ang katawhan nga moag-donar ug kuarta dungan sa saad nga mahatagan sila ug traynta porsyento (30%) nga tubo matag bulan.

Sa papel nga gilagdaan sa mga membro, nakabutang didto nga ilang gihatag kon gi-donate ang kuarta sa Kapa International Ministry.

Tungod kay daghan ang nakasulay sa unang hugno sa pagpanghatag sa ilang porsyento, mitay-og ang balita ug daghan na ang nagbutang ug kuarta, ang uban gipangprenda na ilanng kaumahan, sueldo ug nagbaligya og mga kabtangan aron ihatag sa Kapa.

Apan, niadtong milabayng Hunyo 2019, gimandu ni Duterte nga dakpon ang tanang lideres sa mga investment scam, matud sa Presidente mas magkagubot ang katawhan kung moabot sa ponto nga ilang madiskobrehan nga ang ilang kuarta, naglutaw sa hangin-tungod kay ang maong pamaagi illegal ug imposibleng mahatag ang gisaad nga interest.

Ang kontrobersyal nga lider sa Kapa nadakpan niatong Martes didto sa usa ka hilit nga baybayon sa Barangay Handamayan, Lingig, Surigao del Sur. Duha ka armadong guardya ni Apolinario ang namatay sa dihang misukol kini sa mga pulis nga naghatud sa warden de aresto batok sa ilang lider.

Nagatubang og kasong large scale estafe si Apolinario ug iyangmga kauban, nagpabilin sila sa prisohan sa Lingig samtang naagpaabot nga resolusyon sa piskalya kung diin iballhin na sila sa prissohan sa Bureau of Jail Management and Penology.-Winkle Mae M. Tabuclao

Be informed
  • 38
  •  
  •  
  •  
  •  
    38
    Shares
  • 38
  •  
  •  
  •