DAKBAYAN SA DABAW –— Nakit-ang patay na si Randall “Randy” Echanis peace consultant sa National Democratic Front of the Philippines (NDFP) kabahin sa nahunong nga peace talks tali sa gobierno, gidunggab patay sulod mismo sa iyang gi-rentahang apartment Lunes sa Buntag, Agosto 10, didto sa Novaliches Quezon City.
Si Echanis, 72, chairman sa Anakpawis gidunggab sa wala pa mailhing suspetsado.
Sa usa ka sulat pahayag, gibutyag sa Anakpawis ng “Gidunggab si Echanis sa mga tawo sa estado sayo sa buntag.”
Apan, sa dihang gipangutana si presidential spokesperson Harry Roque kabahin sa alegasyon, miingon kini “Hulaton natu ang opisyal nga imbistigasyon sa kapulisan una natu ipasangil ang kamatayon ni Echanis sa usa ka tao.”
Si kanhi Anakpawis Congressman Ariel Casilao mipakita sa Philippine Daily Inquirer sa usa ka police report sa kamatayon ni Echanis nga nagpakita ug lain lain nga pangalan.
Sa taho nga gi-sumiti sa Quezon City Police District (QCPD), giila si Echanis nga si Manuel Santiago.
Sumala sa report, nakit-an ang patayng lawas ni Santiago sa folding bed mga 1:35 sa buntag.
Matud sa usa ka Louie Tagapia, silingan ni Echanis, nakit-an ang patayng lawas ni Echanis nga naghigda sa salog ug ang iyang kamot gihiktan ug nylon.-Newsline