DAKBAYAN SA KIDAPAWAN — Luwas nga nakauli dinhi sa lungsod ang duha (2) ka Overseas Filipino Workers sa tabang sa Overseas Workers Welfare Administration ug sa lokal nga panggamhanan.
Giila ni Kidapawan City Mayor Joseph Evangelista ang mga OFW nga sila si Eliza Duran Magcalayo 40 anyos, taga Barangay Poblacion, President Roxas ug Gemma Geverola taga Barangay Macebolig.
Nagpatabang ang pamilya sa duha sa buhatan PESO Kidapawan City ug OWWA desk officer nga nakabase dinhi sa lungsod.
Niabot ang duha sa lungsod niadtong Agosto 13 ug gipahatudd gilayon sa mga panimalay human sa 14-daymandatory quarantine.
Si Magcalayo, nakasinati og pag-pangabuso didto sa Qatar ug kanunay’ng madelatar ang iyang sueldo, Samtang si Generrola mipaso na ang kontrata niadtong Pebrero, 2020, apan gipugngan sa iyang amo ang iyang pagpauli.
Mapasalamaton ang duha sa tabang ni Evangelista ug sa OWWA ning dakbayan.-Newsline.ph