DAKBAYAN SA DABAW — Migawas na si hospital si Department of Interior and Local Government Secretary Eduardo Año human kini nag-negatibo sa iyang swab test.
Sa usa ka sulat pahayag, gibutyag ni Año nga nagnegatibo na siya sa Corona virus-19 maong gitugutan na siya nga makapauli sa ilang balay.
Nagpositibo si Año niadtong Agosto 16, og dali kining gipadala sa hospital kini ang ikaduhang higayon nga natakbuyan ang kalihim sa kagaw sa Covid-19.
Gawas sa iyang ubo, maayo na kuno ang panglawas.
“Lumabas na ‘yung result late afternoon Wednesday (September 2). Magpapalakas pa muna ako, ‘yung lungs ko hindi pa (The results came out late afternoon on Wednesday. I still have to recover my strength as my lungs are not fully recovered yet) fully recovered. Normally, you can hold your breath for 20 seconds pero ako hindi ko pa kaya, umuubo pa (ako) (but I still cannot do that. I am still coughing),” saysay ni Año sa dihang gihinabi siya sa Philippine News Agency (PNA).
Andam na usab kuno siyang mobalik sa iyang trabaho ug manerbisyo sa katawhang Pilipino.
Angayan kuno nga mag-amping ang tanan sa Covid-19, kay duha ray kapaingnan ug mogawas ka sa hospital, mogawas nga luwas ug mopauli sa blaay o mogawas paingon sa minteryo.
Gibutyag usab ni Año nga ang iyang asawa nag-home quarantine ug anaa sa isolation room human kini nagpositibo sa coronavirus disease, apan moderate lang ang kaso niini.
Mag-istorya lang kuno silang magti-ayon sa telepono tungod kay lain lain ang ilang kuarto.
Tungod sa iyang kasinatian, giawhag sa kalihim ang katawhan nga kanunay mag-amping aron dili sila matakbuyan sa covid-19.
Ang kanunay nga pagsuot ug face masks, ug face shields sa pampublikong lugar, paghugas sa kamot ug pagpalayo sa mga tawo labi na ang pagtinir sa balay, mao kunoy angayang buhaton aron malikay sa covid-19.–Winkle Mae. Tabuclao/Newsline.ph