Kamatayon sa 9 ka tawo giimbistigahan na sa gobierno sa BARMM ug NoCot

Posted on

LUNGSOD SA KIDAPAWAN — Duha ka parehas nga imbistigasyon ang ginapahigayon karon kabahin sa kamatayon sa siyam ka indibidual nga gipamusil niadtong Agosto 28, alas 12:20 sa udto didto sa Kabacan, North Cotabato.

Sa usa ka sulat pahayag, gimanduan ni Bangsamoro Chief Minister Ahod “Al Haj Murad” Ebrahim  si Public Order and Safety Minister Hussein Muñoz nga maghimu ug komprehensibong  imbestigasyon  sa pagpatay sa siyam (9) ka mga Moros sa Kabacan, North Cotabato. 

Atol sa  Bangsamoro Government’s 41st cabinet meeting niadtong Martes, September 1, gimandu ni Ebrahim  nga  nagkinahanglan gayud ug masusing imbestigasyon ang  brutal nga kamatayon sa siyam ka managsoun nga  nahitabo gawas sa teritoryo Bangsamoro.

Samtang usa ka independenteng imbistigayon ang gimandu ni Ebrahim sa Bangsamoro Human Rights Commission (BHRC).

Dugang pa ni Ebrahim ang mga imbestigador makig alayon sa Provincial government sa North Cotabato apil ang Municipal government sa Kabacan.

Si North Cotabato Gobernor Nancy A. Catamco nagmandu usab sa kapulisan nga imbistigahan ang panghitabo ug hatagan ug hustisya ang kamatayon sa mga biktima.

Nanawagan usab si Senador Christopher Lawrence Go sa mga otoridad nga paspasan ang imbistigasyon aron manubag ang mga naghimo sa maong salaud.

Ang mga biktima sa madugong krimin sa Kabacan giila  ni Police Lt. Ernie John Saratao, Deputy Police Chief for operations sa Kabacan ,  nga sila si Kors Salilangan taga Brgy Aringay; Sandigan Zailon taga Brgy Osias, Kabacan; Benladin Dimanalao taga Brgy Pedtad; Musaid Jaiden taga Brgy Poblacion Midsayap; Romeo Balatamay taga Brgy. Aringay, Kabacan; Katindig Kagayawon taga Brgy Buluan, Kabacan; Fahad Mandigan, taga Sitio Abpa, Brgy Kayaga; Budsal Lipusan ug si Datu Odin Sinsuat.

Apan, pipila ka oras ang milabay, ang samaran nailhang si Tong Guiman taga Brgy Aringay mipanaw na usab.

Hugtanong gikondina ni Kabacan Mayor Herlo Guzman ang madugong panghitabo, apan, matud niini kontrolado sa lokal nga panggamhanan ang sitwasyon ug walay angayang kabalak-an ang katawhan.

Sa iyang opisyal nga pamahayag, gipadangat ni Guzman ang iyang pahasubo sa mga pamilya sa biktima ug iyang gisaad ang usa ka makuting imbistigasyon kabahin sa pagpamatay.

Sa inisyal nga imbistigasyon nga midangat sa buhatan sa mayor, gipara sa mga naka motor ang mga biktima ug gipangitaan kuno ug mga ID, ug sa dihang wala kini mapakita, dayong nahitabo ang pagpamusil.

Sumala ni Saratao nagpahulay lang ang mga biktima daplin sa national highway sa diha kalit silang gipamusil sa duha ka mga armadong lalaki.

Sumala sa mga nakakita, nakabalos pa ug pabuto ang mga biktima, apan, mas daghan na ang mitabang kanila.

Sumala sa kapulisan, rido ang hinungdan sa maong pagpamusil apan, kutob karon mga panahuman wala pay milutaw nga klarong hinungdan nganong nahitabo ang insidente.

Be informed
  • 6
  •  
  •  
  •  
  •  
    6
    Shares
  • 6
  •  
  •  
  •