Kanhi OFW namatay sa Covid-19

Posted on

OZAMIZ CITY — Namatay kaganinang buntag ang usa ka kanhi Overseas Filipino Worker (OFW) nga taga Oroquieta City human kini nagpositibo sa Coronavirus-19.

Gikumpirma ni Tommy Gonzalez Bualat, ang Spokesperson sa COVID19 Task Force Oroquieta City nga ang maong pasyente nagpangiradon og 71 years , diabetic, ug siya ang patient number 63 sa siyudad.

Sa rekord sa City Health Office ,October 6, mitambong kini og birthday sa iyang mga apo sa Purok 7, Brgy. Villaflor human mipauli kini sa ilang panimalay nga normal ang pamati sa iyang lawas.

Niadtong Oktobre 10, 2020 mipalit og suga sa Home & More, didto sa Barangay Talic, sakay sa pampublikong sakyanan.

Oktobre 11, mibati na kini og mga simtomas sama balik-balik nga hilanat, sip-on ug labad ang ulo maoy hinungdan nga nagpundo sa balay.

October 14, miadto kini sa LandBank ATM machine sa Town Center sa Brgy. Canubay. Alas 10:24 nagpalit ug tambal sa Mercury Drug nga duol sa merkado sakay ug pampublikong sakyanan.

Oktobre 16, mitambong sa panagtapok sa pamilya sa ancestral house nga nahimutang sa Poblacion 1.

Oktobre 17, gihilantan ug gi-ubo gihapon. Busa, miadto sa Labmyx aron magpa rapid testing ug negative ang resulta niini.

Oktobre 18, na-admit ang pasyente sa Oroquieta Community Hospital tungod sa hilanat, ubo, ug galisod ug ginhawa.

Oktobre 19, mga alas 7:00 sa buntag nag pa-chest x-ray kini sa St. Therese Hospital sakay sa ambulansya sa CDRRMO ug gibalhin sa MHARSGEN; gikuhaan ug specimen para sa iyang RT PCR test.

Oktobre 21, migawas ang resulta sa iyang swab test ug nagpositibo kini sa Covid-19.

Apan, kaganihang buntag, October 25, siya nakabsan sa kinabuhi.

Wala pa masuta sa Task Force og asa natakbuyan og Covid-19 ang pasyente.

Sumala pa kang Bualat, nga sulod sa 12 oras, ang patayng lawas sa biktima ilubong gilayon ug walay laing makadoul hangtud sa paglubong gawas sa gitahasan sa Task Force.

Una nang nanawagan ang City Health Office nga ang mga edaran ug adunay mga sakit ug naga-inom og mintenans sa nga tambal dili na angayang mogawas sa ilang panimalay tungod taas ang risgo niini nga matakbuyan sa Covid virus. Gi-awhag usab ang mga residente nga kung dili importante ang ilang mga lakaw mas maayo nga magpondo nalang sa ilang mga panimalay.-Expedita Roxas/Newsline.ph

Be informed
  • 16
  •  
  •  
  •  
  •  
    16
    Shares
  • 16
  •  
  •  
  •