DAKBAYAN SA DABAW — Gipahimangnoan sa Armed Forces of the Philippines (AFP) ang mga aktres nga sila si Liza Soberano ug 2018 Miss Universe Catriona Gray nga maghinayhinay sa ilang pakig-alyansa sa mga ‘left-leaning’ groups kay basin kuno og gamiton sila sa propaganda batok sa gobierno.
Sumala ni Lt. Gen. Antonio Parlade ang nanguna sa National Task Force to End Local Communist Armed Conflict (NTF-ELCAC) nga angayang magbantay si Soberano ug Gray sa ilang pakig-alayon sa Gabriela Youth, kay kuno, usa kini ka komunistang grupo.
Posibleng kunong gi-impluwensyahan ang mga aktres aron ilang magamit sa ilang kawsa, saysay ni Parlade.
Tungod sa maong pahimangno, mi-alma ang mga akres kay kuno giinitan na sila sa AFP. Apan, matud ni Harry Roque ang opisyal ga tigpamaba ni Presidente Rodrigo Duterte, nagpahimangno lang ang AFP sa mga aktres, “ Well, tingin ko naman sa statement mismo ng AFP, sinabi naman niya walang ganoon”.
“Pinag-iingatan lang sila na baka mamaya magamit sila ng kabila,” Dugang pa ni Roque.
Nakasabot kuno ang AFP nga ang gihimo ni Soberano ug Gray usa ka adbokasiya alang sa kababayen-an ug sa kabataan, apan kinahanglang mag-igmat kuno sila kay basin masulod sila sa laang,“Pero siyempre ingat din po kasi ang talagang, iyong mga Maoists (sumusunod ni Mao Zedong) po sa Pilipinas eh talagang kung mayroong puwedeng pagsamantalahan ay pagsasamantalahan nila”.
Giklaro ni Roque nga si Presidente Duterte naga adbokasiya usab sa kababayen-an ug kabataan ug wala sila nagkwestyon sa mga aktres.
“Pero wala po kaming problema doon sa mga sinasabi nila Liza at ni Catriona dahil ang ating Presidente sinusulong din po ang karapatan ng kababaihan at malinaw po ang track record niya lalung-lalo na noong siya po ay Mayor pa ng Davao City,” dugang ni Roque.
Mirason si Soberano ug Gray nga ang ilang panagtagbo sa mga grupo sa kababainhan ilang kontribusyon alang sa maong hut-ong isip mga babaye ug dili kuno angayang malain ang gobierno kay dili man sila subersibo.-Newsline.ph