Notadong personalidad sa DavOr sikop, katawhan nalipay

Posted on

DAVAO CITY — Nasikop kagahapon sa Buntag, Nobyembre 3, ang usa ka notadong personalidad nga naglihuk sa Davao Oriental, didto sa Purok 2, Barangay Kalubihan, lungsod sa Banaybanay, Davao Oriental.

Giila ni Lupon Municipal Police Chief Nelson Violan, ang dinakpan nga usa ka Ronald Calipayan Gudes alias Magong.

Sumala ni Violan, niadto ang hiniusang puersa sa Philippine Navy, PNP, Ug Philippine Army sa balwarte ni Maghong bitbit ang lima ka Warrant of Arrest sa nagkalain-laing kaso batok kaniya.

“Daghan ni siya og kaso, daghan na og nadawat nga reklamo kay nagsige daw ni og pangilkil sa mga negosyante pero mura’g untouchable kay daghan siya ug galamay,” saysay ni Violan.

Subay sa social media comments ang mabasa sa newsline.ph Faceboook account, daghan ang nalipay nga nadakpan na si Gudes, dunay usa nga nagkanayon nga nagpadala kini og sulat sa ilang pamilya ug nanghulga nga pamatyon sila kung dili mohatag og suborno.

Sa usa ka private message nga nadawat sa Newsline.ph, gisaysay sa usa ka negosyante sa Banaybanay nga nakaabot sila sa bukid aron motunok og P30,000 nga kkuarta kang Gudes kay nagpaka aron ingnon kini nga Kumander sa New People’s Army.

Nakuha sa posisyon ni Gudes ang usa (1) .45 caliber pistol, ug usa (1) .38 nga revolver, ug nagkalain-lain klase sa mga bala ug pulos kini walay lisensya, nga matud pa, madugang sa mga kaso batok kaniya.

Ang mga armas ug bala nga nakuha sa posisyon ni Gudes.-PNP Photo

“Ubay-ubay nga puersa sa gobierno ang milusad sa operasyon tungod idlas ug daghan ang nagpalibot kang Magong” dugang ni Violan.

Nailhan si Magong nga tigpangilkil sa mga negosyante ug nagpaila kini nga Kumander sa Rebolusyonaryong Grupo, ug daghan na kini ug nabiktima sa nahisgutang probinsya.

Ang huniusang team nga mi-ambak sa kampo ni Magong gilangkuban sa mosunod: Lupon PNP, Banaybanay PNP, ug mga operatiba gikan sa Eastern Mindanao Command, Philippine Navy SWAG 113rd SAC 11th, PNPSAB 2ndDOPMFC S2 DOPPO S2 28th IB).-Newsline.ph

Be informed
  • 4
  •  
  •  
  •  
  •  
    4
    Shares
  • 4
  •  
  •  
  •