Kanhi kapitan sa Zamboanga del Sur, gipusil atubangan sa anak

Posted on

DIPOLOG CITY —– Blangko pa gihapon ang kapulisan sa motibo ug sa kung kinsa ang nagpaluyo sa pagpusil-patay sa kanhi kapitan sa barangay Mahayag, niadtong Miyerkoles sa udto Nobiembre 4 , didto sa Barangay Guling sa lungsod sa Guipos, Zamboanga del Sur.

Matud pa ni Police Major Robert Agda, hepe sa Guipos police, walay mahuna-hunaan nga rason ang pamilya ni Jumar Pintak kung nganong pusilon kini ug walay nailhan nga nakabikil ang biktima.

Si Pintak, 42 anyos, kanhi kapitan sa Barangay Mahayahay, sakop sa lungsod sa Kumalarang, Zamboanga del Sur.

Matud pa ni Agda nga base sa inisyal nga imbestigasyon, kamulong nagtrabaho sa usa ka construction site si Pintak, kauban ang iyang 24 anyos nga anak, dihang miabot ang usa ka Honda wave nga sakyanan ug minaug ang duha ka lalaki.

Usa kanila maoy mipusil sa biktima.

“Gamit ang M16 rifle sa pagpusil sa usa ka suspek ngadto sa biktima atubangan sa iyang anak. Daling misibat ang mga suspek paingon sa wala na matinong direksiyon,” matud pa ni Agda.

Nagpadayon ang imbestigasyon sa kapulisan sa maong pagpamusil dugang ni Agda.-Eva Masturil/Newsline.ph

Be informed
  •  
  •  
  •  
  •  
  •  
  •  
  •  
  •  
  •