Shabu nga gisagol sa usa noodles nga i-donate sa City Jail nasakpan

Posted on

DAVAO CITY —SIKOP sa mga opisyal sa Maa City Jail ug Talomo Police ang duha ka membro sa usa ka relihiyosong grupo nga nagdala unta og usa ka sakong noodles alang sa Maa City Jail.

Sumala sa usa ka newsline source, alas 2:14 karong hapon, Disyembre 24, misulod sa Gate 1 ang duha ka suspetsado sakay sa usa ka Isuzu Fuego nga dunay plaka numero UUF 813, dala ang mga noodles nga gisulod og usa ka plastic cellophane nga gibutang sa sako sa bugas.

Apan sa dihang gi-inspection nilang JO1 Honey Queen Villarba Sedon ug JO1 Philip Beer Yohohoy Chagas, nakapangalan kini sa usa ka piniriso nga Osting Runulo og dunay nakasulat “WELFARE AND DEVELOPMENT OFFICE C/O SJO1 HERBERT NAIVE, DAVAO CITY JAIL MAIN MALE DORMITORY.”

Sa spot report nga nakuha sa Newsline, gibutyag niini nga namatikdan ni JO1 Chagas nga ang kada pack sa noodles dunay ‘scotch tape’ og ‘tampered’ na kini, hinungdann nga ilang gi-usa-usa og inspect ang mga noodles.

Nakita nila nga sa tunga sa matag noodles dunay ‘square’ nga pinutos nga nakapatong, ug sa dihang ila kining gibungkag dunay duha ka dagku nga silyadong plastic cellophane nga puti og sulod nga gitouhang shabu.

Daling nanawag ang taga BJMP sa Talomo Police aron, pa imbistigahan ang maong insidente.

Sa spot report sa Talomo police giila ang mga suspetsado nga sila si Doroteo Duterte Guibernas Jr, 63 anyos, minyo walay trabaho og residente sa 21, Mahogany St., Roldan Village, Maa, Davao City samtang ang usa giila nga si Mylene Himangpang Tamondong, 34 anyos, self-employed taga Purok 3, Barangay Alambre Toril ning Dakbayan.

Daling miabot sa Maa City Jail si Davao City Police Office Director Col. Kirby John Kraft.

Sumala ni Capt. Rose Aguilar, ang spokesperson sa Davao City Police Office, sa gihimong inbentaryo sa Talomo police ug sa BJMP, dunay baynte kuatro (24) ka silyadong ‘sachet’ sa shabu ang nalokluk sa mga noodles.

Ang matag sachet dunay gibug-aton nga singko gramos (5grams) nga dunay street value nga 75,000.00.

Sa report sa kapulisan, ang nasakpang shabu didto sa City Jail mokabat sa P1.8-milyon.

Matud sa usa ka tinubdan sa Newsline, nagsige na og adto ang duha ka suspect sa jail tungod kay nagpaila kining mga membro sa usa ka relihiyosong grupo..-Newsline.ph

Be informed
  •  
  •  
  •  
  •  
  •  
  •  
  •  
  •  
  •