DAKBAYAN SA DAVAO — Gipahayag sa Palasyo sa Malacañang nga gitun-an ni Presidente Rodrigo Duterte ang sugyot sa Department of Agriculture nga magpatuman og Price Ceiling aron mapugngan ang pagsaka sa presyo sa mga produkto.
Sumala ni Presidential Spokesperson Harry Roque nga gihulat na lamang ang desisyon sa Presidente.
Nasabotan na matud pa sa DA kauban ang uban pang mga ahensya sa gobyerno ug mga Mayor sa Metro Manila nga maghatag og sugyot sa Presidente alang sa mas strikto nga price measure sa mga produkto, sama sa Baboy, Manok, Isda ug Otanon.
Nagmugna ang maong rekomendasyon homan padayon nga gisagubang sa mga kunsomante ang taas nga presyo sa mga produkto bisan sa panahon sa Pandemya.
Naglaom si Agriculture Secretary William Dar nga magpagawas si Duterte og executive order nga mag-imposar og price ceiling sa mga selected item ngadto sa mga pampublikong merkado.