5 ka lungsod sa Zamboang del Norte gihatagan og ambulansya

Posted on

DIPOLOG CITY –— Nakadawat og lima ka bag-ong ambulansya gikan sa Departmetn of health ang lima ka lungsod sa Segundo distrito sa Zamboanga del norte.

Ang turn-over ceremony napahigayon niadtong Marso 12 didto sa hawanan  sa lungsod sa Sindangan ning probinsya.

Malipayong Gidawata sa mga opisyal sa lungsod sa Katipunan, Manukan, Jose Dalman, Sindangan ug Siayan ang mga ambulansya.

Gitambungan ni Congresswoman Glona Labadlabad sa Segundo distrito ang okasyon.

Ang mga  ambulansya ipang-apud-apod sa  Rural Health Units sa nahisgutang lungsod.

Dili matukib ang gibating kalipay sa mga Mayor ug mga Municipal Health Officers kay natuman na gayud ang ilang handum ug pangandoy nga mahatagan og ambulansya, tungod kay dugay nang nag-antos ang katawhan sa  ilang mga lungsod labi na sa panahon sa emerhensiya.

Gani kinahanglan pa sila mangulam sa silingan nga lungsod kung adunay mga pasyente dad-on sa mga tambalanan didto sa dakbayan sa Dipolog.-Zorayda EVa Mustaril

Be informed
  •  
  •  
  •  
  •  
  •  
  •  
  •  
  •  
  •