Sinkhole sa highway sa Butuan City

Posted on

DAKBAYAN SA DAVAO— Gipahibalo karon ni  Kapitan Randy Jagonos sa Barangay de Oro , Butuan City nga natunaw ang portion sa aspaltong dalan sa  Purok 8, Daang Maharlika Highway.

Sa Facebook Page sa Butuan City PIO “nadiskobrehan ang road hole pasado alas 8 sa buntag dihang dunay milabay nga mga motorista sa maong dapit ug hapit na disgrasya. Wala pa mahibal-i kung unsay hinungdan sa dakung lungag sa kalsada.”

Daghan nagduda nga usa kini ka SINKHOLE o nabangag  tungod kay nakankan na ang yuta sa ilalum sa dalan maong milihuk ang aspalto kay wala nay pwersa sa ilaum.

Dungag sa FB post “Nakig alayon na ang Barangay council sa City Disaster Risk Reduction and Management Office ug Department of Public Works and Highways aron sa paghatag og aksiyon sa giingong road hole. Temporaryo una kining gibutangan og babag ang bangag nga kalsada aron makalikay sa aksidente”.

Be informed
  •  
  •  
  •  
  •  
  •  
  •  
  •  
  •  
  •