DAKBAYAN SA DAVAO — Patay gilayon ang 18-anyos nga pahenante sa mixer trak sa dihang nawad-an kini og preno samtang naglawig sa karsada sa Barangay Lanote sa Isabela City, Basilan kagahapon Marso 8.
Giila sa kapulisan ang pahenante nga si Henryval Montaño samtang ang driver sa trak nga giilang si Raymundo Alvarez, 34-anyos.
Nasamdan ug nakaagom og mga bun-og sa lawas si Alvarez nga daling gidala sa hospital ug padayong ginatambalan.
Samtang usa ka balay ang naguba kay didto napasok ang mixer human kini naligid.
Sa imbistigasyon sa kaulisan, migawas nga human naligid sa ang mixer milahos kini ug mibangga sa usa ka balay .
Migawas sa inbistigasyon sa kapulisan nga nawad-an og kontrol ang drayber sa gimanehong trak kay nibuto ang “brake” niini.
Makita sa hulagway nga kuha ni Karl Ilagan nga halos dili na mahitsura ang mixer trak ug samtang ang balay naguba usab.
