DAVAO CITY – Usa ka libo nga mga botelya sa organic virgin coconut oil ang gi-donate sa Tree Life sa City Health Office alang sa mga Covid-19 patients ning dakbayan.
Sa mga research nga gihimo, migawas nga dakong tabang ang VCO sa pagbatok sa kagaw nga Coronavirus.
Migawas sa mga research nga ang VCO potential anti-viral agent, nga makapaubos sa kagaw sa Covid-19 gikan 60 hangtud 90 porsyento sa mga nataptan sa virus.
Nangunay ug hatag ang tag-iya sa produktong nga silas Jerry ug Joy Taray sa ilang produkto nga malipayong gidawat ni City Health Chief Dr. Josefine Villafuerte.
“It was proven na it can reduce the viral load sa covid sa imong lawas and it can shorten the recovery time, suportaan nato kay ang virgin coconut oil mapalit nato anywhere in the philippines ug daghan kaayo ang lubi nato sa Pilipinas” sumala ni Jerry Taray tag-iya sa Tree Life
Sumala ni Dra. Josephine Villafuerte sa 1,000 kabuok— 67ang ihatag sa Palm Residence, 114 sa RMC Gym, 110 sa UP Training Gym, 125 sa Sta Ana Central Elementary School, 155 sa Kapitan Tomas Elememtary School, 91 sa NCCC Dome, 90 sa Magallanes Elementary School, 118 sa Mamay Inn ug 130 sa City Health Office.
Human sa turn-over daling gikarga sa sakyanan sa City Health Office ang mga Organic Virgin Coconut Oils ug gihatud ngadto sa mga facilities aron ipanghatag sa mga pasyiente.-Cheche G. Diabordo
