DAKBAYAN SA DABAW —— Usa ka dakung tigum nga gilangkuban sa mga lideres sa tribu didto sa munisipyo sa San Isidro Davao del Norte niadtong miaging semana aron hisgutan ang mga pamaagi aron mapahugtan ang pagpanalipud sa yutang kabilin isip pagsaulog sa World Indigenous peoples month.
Ang tigum gipatawag ni Mayor Arnel Sitoy sabay sa tima : ” Tribu nga Nagkadaiya, sa Yutang Kabilin Gihiusa”, aron paminawon ang mga mulo, katikaran og mga pamaagi aron padayong mapreserba ang yutang kabilin sa mga lumad ug aron mahibaw-an sa gobierno ang mga angayan niining ihatag nga suporta sa tribu.
Sa maong pulong, nanawagan si Sitoy sa grupo nga suportahan ang mga lakang alang sa kalambuan sa ilang munisipyo ug kinahanglan nga ang tanan mosuporta sa kampanya sa gobierno alang sa kahusay ug kalinaw labi na sa programa niini nga undangon na ang insurhensiya.
Gi-awhag sa mayor ang mga lidered sa tribu nga makig-alayon sa mg aprograma sa lokal nga panggamhanan labi na sa natad sa ekonomiya aron masustinir sa matag pamilya ang ilang panginahanglanon sa pagkaon ug uban pa lpanahon sa pandemya.
Angayan kuno nga magkahiusa ang katawhan sa San Isidro ug sa probinsya aron hisgutan ang kalambuan sa ilang komunidad subay sa lumadnong kultura.
Sa iyang pagpamulong, gi-awhag ni Sitoy ang mga komunidad sa tribu nga tikaron ang ilang mga yuta pinaagis a pagpananum ug mg alagutmot aron sa ilang pamilya ug kung pananglitan daghan ang ilang produkto tabangan kini sa lokal nga panggamhanan aron mabaligya kini sa mga merkado.
Gihisgutan sa mga lideres ang isyu kabahiin sa Katungod sa Katawhang Lumad ubos sa RA 8371 o Indigenous Peoples Rights Act (IPRA) ug ang pagpanag-iya sa Luna sulod sa Yutang Kabilin sa Katawhang Lumad nga gisundan sa Panday Buhat o Workshop diin gihisgutan ang kasamtangan kahimtang sa Katawhang Lumad sulod ug gawas sa Yutang Kabilin
Dungan niini, gi-awhag sa Mayor ang mga kadagkuan sa tribu nga ilang tikaron ang ilang kayutaan imbis nga ilang ibaligya.
Andam ang buhatan sa mayor nga mohatag og suporta alang sa kalambuan sa tribu,
Usa ka panubadtubad usab ang gihimo dungan sa pagsugod sa pagtukod sa Lumad Center ug sa paghimo ug Municipal Lumad Center.
Si Datu Antonio C. Araujo ang Municipal IPMR sa lungsod mapasalamaton kaayo sa paghatag ug dakong pagtagad kanilang mga lumad diin ang kahigayunan gihatag kanila aron ma mugna ang maong panagtigum, mapasibaw usab ang ilang panginahanglan ug ang ilang kahimtang sulod ug gawas sa yutang kabilin.
Ang panagtapok nga gipahigayon sa Kalahi Sawata Ernandcor Central Elementary School, San Isidro, Davao del Norte, nga gitambongan sa mga Lumad Leaders, Elders, Tribal Chieftains, IP youth leaders ug mga IP women’s, lakip mga Indigenous People’s Apostolates nga kasamtangan aktibong lumilihok sa simbahan.
Ang tigum gitambungan sa mga opisyal sa Lokal nga Panggamhanan sa San Isidro, alang sa atong mga kaigso-unang lumad sa pagpangulo ni Mayor Arnel H. Sitoy, Vice-Mayor Baltazar L. Cuyos, mga SB Members sa pakig-alayon sa mga ahensya sa gobyerno ang AFP, PNP, NCIP, mga emplyeyado sa LGU , Barangay Captain’s ug lakip relegious sector nga nahimong kabahin sa maong aktibidad.-Winkle Mae M. Tabuclao/Newsline.ph
