DAKBAYAN SA DAVAO–– Upat ka Filipino ang naangol human giisprihan sa duha ka barko sa China Coast Guard (CCG) ang bangka sa Pilipinas nga nagdala og supply paingon sa BRP Sierra Madre didto sa Ayungin Shoal.
Kini sumala sa National Task Force for the West Philippine Sea (NTF-WPS) niadtong Martes, Marso 5.
Tungod sa paggamit sa duha ka barko sa China og ‘water cannons”, nangabuak ang salamin sa Unaizah May 4, hinungdan nga nangasamad ang upat ka personahe nga sakay sa bangka, sumala sa pahayag sa NTF-WPS.
Ang mga naangol nga mga personahe daling giatiman sa mga tripulante sa BRP Sandigan sa Philippine Coast Guard (PCG), nga nabangga sa usa sa mga barko sa China Coast Guard wa pay duha ka oras milabay human nahitabo ang pag pang-ispri.
Matod sa NTF-WPS, ang pagpanghasi ug mga dautang hinimuan sa China Coast Guard batok sa mga barko sa Pilipinas nagbutang sa peligro sa mga kinabuhi Pilipino nga sakay sa barko.
“Ang sistematiko ug makanunayon nga paagi diin ang People’s Republic of China nagpahigayon niining mga iligal ug iresponsableng aksyon nagbutang sa kwestyon sa ilang pagkasinsero sa mga panawagan niini alang sa malinawon nga dayalogo ug pagkunhod sa mga tensyon,” matud sa task force.
Sumala sa Task Force, ang barko sa China Coast Guard 21555 mibagbag sa BRP Sandigan bandang alas 6:32 sa buntag,
Bandang alas 8:15 sa buntag, laing CCG 21551 ang mibabag ug mibangga sa Unaizah 4,
Ang duha ka barko sa China nga, CCG 21555 ug 21551, Dungan nga nag-ispri sa ug tubig batok sa Unaizah May 4.
Tungod sa panghitabo, mibalik ang Unaizah May 14 sa mainland Palawan nga gikuyugan sa BRP Sandigan.
