Kumpiansa ang Estados Unidos nga mopailawom si Apollo Quiboloy, ang leader sa Kingdom of Jesus Christ (KOJC) sa proseso sa hustisya taliwala sa mga kaso nga gipasaka batok kaniya sa Amerika.
Sa usa ka pahayag, mao kini ang gisaysay sa US embassy sa Manila ““We are confident that Quiboloy will face justice for his heinous crimes. Questions about legal proceedings should be directed to the US Department of Justice.”
Ang US Embassy niingon nga si Quiboloy naa sa Most Wanted List sa Federal Bureau of Investigation (FBI) ug nalambigit siya sa grabeng pag-abuso sa tawhanong katungod sama sa systemic rape sa mga batan-on.
“For more than a decade, Apollo Quiboloy engaged in serious human rights abuses, including a pattern of systemic and pervasive rape of girls as young as 11 years old, and he is currently on the FBI’s Most Wanted List,” matud sa pahayg sa embahada.
Wala pay tubag ang kampo ni Quiboloy kabahin sa gipadayag sa Istados Unidos.
Niadtong Miyerkules, si Quiboloy nagpagawas og audio recording diin siya miingon nga ang gobyerno sa US, sa tabang sa mga opisyal sa gobyerno sa Pilipinas, naglaraw sa “pagwagtang” kaniya pinaagi sa rendition o ang pagpadala sa mga langyawng kriminal.
Matud ni Quiboloy iyang nahibaw-an gikan sa “kasaligang tinubdan” nga ang mga ahensya sa gobyerno sa US sama sa FBI ug Central nagtan-aw sa paghimo og “rendition” kaniya imbes sa extradition.
Ang rendition o ang pagpadala sa mga langyawng kriminal aron gukdon siya.
Sumala ni Quiboloy, desperado ang mga babaye nga nag-apas kaniya ug wala nila makuha ang ilang gusto, hinungdan nga gi-akusahan siya sa kasong pagpangabuso.
Sa iyang 37-minutos nga mensahe, dagahan og gipagawas nnga akusasyon si Quiboloy lakip na ang kuno pagtanyag sa US $2 milyon o P100 milyon nga patong aron madakpan kini ug dunay plano nga magtanom og ebidensya batok kaniya.
Apan sa usa ka mensahe sa GMA Integrated News, si FBI Public Affairs Specialist Laura Eimiller niingon nga wala siya kahibawo sa bisan unsang bounty sa pagkasikop ni Quiboloy apan gikompirmar nga aduna kini outstanding warrant of arrest sa US.
“Naay active arrest warrant para kang Mr. Quiboloy pero wala ko kahibaw nga naay reward offer,” saysay ni Eimiller sa GMA integrated news.
Niadtong Disyembre 2023, ang korte sa Estados Unidos nagtakda ug bag-ong petsa para sa husay sa mga kasong kriminal ni Quiboloy hangtod sa Nobyembre 5, 2024.
Sumala ni Quiboloy, andam siyang atubangon ang mga pasangil kaniya kung isang-at na kini sa korte.
