DAKBAYAN SA DAVAO-— Gibutyag ni Senador Raffy Tulfo niadtong Martes nga base sa listahan nga gitunol kaniya sa Philippine Charity Sweepstakes Office kon PCSO, dunay usa ka pangalan sa tawo nga ka-20 ka higayon nakadaog sa lotto sulod sa usa ka bulan.
Sumala ni Tulfo, kini base sa listahan nga gisumite sa Philippine Charity Sweepstakes Office (PCSO) kaniya.
Sa iyang interview sa Dobol B TV, gisaysay ni tulfo “‘Yung PCSO nagbigay ho sa akin ng listahan…Ito nga po ang sabi ko medyo nakakataas ng kilay, meron doon na isang tao nanalo ng 20 times in one month. Meron dun 10 times in one month.”
“Siguro baka magkapangalan pero pare-pareho gihapon ‘yung premyo ang pinanalunan…Paulit-ulit in one month… Lalong tumambak ang mga pangutana,” dugang pa ni Tulfo atul sa interbyu.
Si Tulfo nga maoy nangulo sa imbestigasyon sa integridad sa mga dula sa PCSO, nagbutyag nga gawas sa listahan sa mga mananaog, gisumite usab sa PCSO ngadto sa Senate panel ang mga dokumento sa mga dula sa lotto, lakip na ang tax records, sa mga mananaog sa jackpot.
Nagpangutana si Tulfo, nganong kada draw dunay modaug samtang kaniadto moabot og kapin bulan walay modaug.
Sa laing interbyu nga gihimo sa Dobol B TV, kang PCSO General Manager Mel Robles gisaysay niini nga ilang ssutaon ang nahisgutang isyu nga gipunting ni Tulfo ug maghimo usab nilang imbestigahon kabahin niini.
Matud ni Robles dili niya itugot nga dunay ingon ana nga panghitabo ug iya dayon kining paiimbistigahan.
Giklaro sa manager nga kining butanga dili niya ginalantaw, kay human nila matunol ang premyo sa mananaog wala na silay partisipasyon.
Makadaghang higayon na nga gihimakak ni Robles nga dunay pagmaniobra sa resulta sa draw sa PCSO.
Gipaniguro ni Robles sa Senado nga dili gyud mamanipula ang resulta sa lotto. Mao gani kuno nga gitugotan ang taga PSCO nga mopusta kay tungod kay wala silay kalambigitan sa pag-draw.
Una na usab nga gipasabot ni Robles nga adunay surplus nga pundo aron madugangan ang mga premyo sa lotto ug ila kining gihimo isip “marketing campaign” aron madasig ang publiko sa pagpusta sa mas taas nga premyo.
