DAKBAYAN SA DAVAO, Pilipinas — Daghan ang nagtuo nga mamahimong representante si Bise Presidente Sara Duterte sa tinoud nga oposisyon nga maoy maniguro nga balanse ug mobantay sa administrasyon ni Prsidente Ferdinand marcos Jr.
Kini human sa iyang pagluwat isip Education Secretary ug miembro sa Gabinete, sumala ni Kongresista Pantaleon Alvarez sa unang distrito sa Davao del Norte.
Sa usa ka pamahayag niadtong Biyernes, si Alvarez nga nagsilbi isip House Speaker ubos sa administrasyong Duterte, niingon nga suportahan niya ang Bise Presidente kung modesisyon siya nga mudawat sa maong tahas.
Matud ni Alvarez, mosuporta siya kang Sara kung makadesisyon kini nga mangulo sa oposisyon, aron mas molig-on ang hut-ong sa mga lideres nga wala na makauyon sa kasamtangang administrasyon.
Sa pagkakaron, gawas sa Partido Liberal wala pay milutaaw nga opisyon bisan pa man gitakda ang midterm eleksyon sunod tuig.
Una nang nagpsasibaw ang kanhi tigpamaba sa Palasyo nga si Harry Roque nga si Bise Presidente Sara ang angayang mobarog isip lider sa oposisyon.
Sagad sa mga lideres dinhi sa dakbyan sa Davao nagtuo nga mamahimong maayong lider sa oposisyon ang kanhi kalihim sa Department of Education tungod kay duna kini kaisog nga makigharong sa mga hiwing binuhatan.
Apan, hangtud karong mga taknaa, wala pay pahayag si Duterte kabahin sa mga nanggawas nga sugyot nga himoun siyang lidr sa oposisyon.-EZC
