DAKBAYAN SA DABAW (Septembre 24)—Tingtugnaw na, maong nagwarning na ang Department of Health (DOH) sa publiko batok sa Flu, nga maoy sagad makahatag ug komplikasyon ug puedeng mosangpot sa kamatayon.
Gibutyag ni DOH Undersecretary Eric Domingo niadtong Sabado, nga ang kaso sa Flu kon “influenza” sagad mosaka tungod sa bugnawng panahon ug kon magsugod na ang ‘Ber months’.
Gani, mi-warning si Domingo nga kanunay mag-amping tungod kay kining Flu puedeng motakboy sa kalawasan kung ting-tugnaw.
“Kagaw man gud ni, dili lang isa ka klase, apan, klase klase kini ug dali kaayo manganak sulod sa lawas sa tawo. Pananglitan, ang imong Flu karong tuiga, dunay kalahian sa imong Flu adtong niaging tuig..” Matud pa ni Domingo.
Sa listahan sa DOH, dunay 82, 590 ka kaso sa flu ang natala gikan Enero ngatud Septembre karong tuig. Kini, mas ubos kumpara adtong miaging tuig nga mokabat sa 104,292.
Dili angayang ibaliwala ang Flu, matud pa ni Domingo tungod kay kinse (15) naka tawo ang namatay tungod niini karong tuiga.
“Usahay kanang simpleng trangkaso. mosangko sa komplikasyon sama sa pulmunya uh inpeksyon, nga makapaluya sa lawas sa tawo ug possibleng mosangko sa kamatayon.
Bantayan, matud pa ni Domingo, ang mga kalintura nga balik balik ug ang lkalit nga pagsaka ug pag-ubos sa init sa lawas.
Ang mga bata ug tigulang, hinay ug resistensya niini, mao kinahanglan sila mag-amping,
“Mas makatabang nga magpabakuna batok sa Flu,” midugang si Domingo.-Harold V. Pontongan
