Zubiri gipili isip Senate President Pro Tempore

DAKBAYAN SA DAVAO —– Gipili sa mga membro sa senado pinaagi sa resolusyon  niadtong Mierkules sa gabii,   si Senador Juan Miguel Zubiri,  isip Senate President Pro Tempore, kon officer-in-charge sa senado sukad Hunyo 29 hangtud nga magsugod ang 19^th Congress,

Ang responsibilidad sa Senate President Pro Tempore maoy magsilbing bise president, ug ang iyang papel mao ang mangulo sa sesyon, mopirma og nga balaud, mopirma sa mga dokumento sa buhatan sa senado ug maghatag sa oath of office sa mga bag-ong senador.

Mipasaka og mosyon si Senta Minority Leader Franklin Drilon atol sa katapusang sesyon sa 18^th Congress kagabii.

Matud ni Drilon kinahanglan nga dunay mangulo sa senado sa panahon nga matapos na ang termino ni Senate President Vicente “Tito” Sotto III ug ni Senador Ralph Recto, ang kasamtangang Senate President Pro Tempore karon Hunyo 30 sa alas 12:00 sa udto.

Matud ni Drilon, importante nga dunay mangulo sa senador aron dili mabalda ang pagpanerbisyo hangtud mag-organisa na ang 19th Congress sa umaabot nga Hulyo 25.

Sa iyang pagpasaka sa resolusyon, matud ni Drilon, si Zubiri ang kasamtangang majority floor leader ang pinaka kualipikadong magsilbi isip President Pro Tempore, tungod sa iyang kasinatian og sa iyang kalaam sa pagpadagan sa senado.

Sa iyang mubo nga pamulong human sa pagtuboy, gisaysay ni Zubiri, nga importante ang iyang papel kay walay mopirma sa mga tseke sa senado ug dili mahatagan og sueldo ang mga empleyado ug ang mga importanteng bayranan sa ilang mga opisiina.

“Magpili na usab kita o glider sa senado sa atong pagbalik una matigayon ang State of the nation Address (SONA),” matud ni Zubiri.

Ang SONA pagahimoun sa katapusang Lunes sa bulan sa Hulyo.-ezc