Magti-ayong kagawad ug CAFGU priso human nakuhaan ug ilegal nga druga ug armas

Posted on

DAKBAYAN SA DABAW, Mindanao — Gibalhog karon sa prisohan ang kagawad sa barangay Concepcion, Laak, Comspotela Valley Province, og iyang bana nga membro sa CAFGU human sila nakuhaan ug ilegal nga druga ug armas nga walay lisensya sulod mismo sa ilang panimalay.

Pinaagi sa gihuptang search warrant sa mga sakop sa PDEA 11, ilang gisulod ang panimalay sa mag-asawang Rahima ug Akmad Guiday didto sa Purok 4 Barangay Concepcion Laak, alas 6 sa buntag, Marso 24, 2018.

Ang 48 anyos nga barangay Kagawad nga si Rahima Guiday, dugay ng ginamonitor sa otoridad tungod sa pagpamaligya niini ug illegal nga druga, apil nga gidakop ang iyang bana nga CAFGU, nga giilang si Akmad Guiday tungod sa pagkonsinti niini sa iyang asawa sa mga illegal nga binuhatan.

Atol sa raid, nakuha sa otoridad ang 13 ka gramo nga shabu nga nagkantidad ug 150,000 pesos, 250 ka gramo nga pinaugang dahon sa marijuana nga nagkantidad ug 10,000 pesos, ug lima ka mga basiyong supot nga dunay namilit nga shabu.

Apil sa mga narekuber sa otoridad ang usa (1) ka fragmentation hand grenade, usa (1) ka .20 Homemade Caliber Pistol, usa (1) ka .45 Caliber Pistol nga dunay Magazine, walo (8) ka mga 12 gauge live ammunitions, Dise sais (16) ka buhing bala sa .45 kalibreng armas, duha (2) ka mga buhing bala sa .38 nga pistola ug duha (2) sab ka mga buhing bala sa .9mm pistol

Tanan kining mga illegal nga druga, mga armas, ug mga bala ang nakuha sud sa balay sa magtiayong Guiday.

Ang magtiayong Guiday mag atubang ug kasong pagsupak sa Republic Act 9165 (Comprehensive Dangerous Drugs Act of 2002) ug Republic Act 10591( Illegal Possession of Firearms, ammunitions and explosives)

Una ng nagbutyag si PDEA 11 Director Antonio Rivera niadtong milabyang semana nga dunay mga Barangay Officials ang anaa sa ilang listahan.

matud pa ni RIvera dunay tulo ka kapitan og walo ka mga barangay kagawad ang nalambigit sa druga. – Rey Nuñez/Newsline.ph

Be informed
  • 39
  • 1
  •  
  •  
  •  
    40
    Shares
  • 39
  • 1
  •  
  •