Kumander jinggoy sa NPA samdan, nasikop sa militar

Posted on

DAKBAYAN SA DABAW, Mindanao (Mayo 13) — Nasikop sa millitar nga sakop sa 1003ID,  si Kumander Jinggoy sa New Peoples Army (NPA), human ang engkwuentro didto sa Kitaotao Bukidnon niadtong Sabado, Mayo 12, 2018.

Si Elizalde Cañete, nailhang si Kumander Jinggoy, ang lider sa Pulang Bagani Command (PBC) 1, SRC5, SMRC nadakpan didto sa Don Carlos Doctors Hospital,  duha ka adlaw human sa engkuentro didto sa Sitio Linao, Kipilas, Kitaotao Bukidnon, niadtong Mayo 10.

Nagpatambal si Cañete sa hospital, ug didto gitunol kaniya ang warrants of arrest sa iyang mga kaso.

Nahibaw-an sa otoridad sa ilang  mihimong clearing operations sa encounter site, nga nagkatag ang dugo, hinungdan nga nagduda sila nga naay samaran sa mga rebelde.

Sumala ni Mayor General Noel Clement, commander sa 10ID nga ubay ubay ang mga warrant ni kumander Jinggoy.

“Ang pagkasikop ni Jinggoy usa ka  dakong kawad-on sa grupo’s NPA labi na sa PBC1,” si Clement nagbutyag.

Dugang ni Clement nga padayon ang ilang operation sa paggukod batok sa mga rebeldeng new people’s army nga wa pa mibalik sa sabakan sa gobyerno, alang sa kalinaw.-Rey Nuñez, Newsline.Ph

Be informed
  •  
  •  
  •  
  •  
  •  
  •  
  •  
  •  
  •