Congressman Bertiz nahospital kay naghout ang dughan

Posted on

DAKBAYAN SA DABAW (Oktobre 3) —  Gidala sa hospital  ang kontrobersial nga ACTS-OFW Partylist Congressman  nga si  Aniceto “John” Bertiz, niadtong Martes sa gabii kay nagsige kuno ug hout  ang iyang dughan.

Matud pa ni  Congressman ug Minority lider  Danilo Suarez, gidala si Bertiz sa hospital human kini mireklamo nga nagsige ug sakit ang iyang dughan.

Midugang si COOP-NATCCO Partylist Congressman  Anthony Bravo kalilma na miagi ug “angioplasty procedures” si Bertiz.

Nag-antos kuno si Bertiz kay mitukar ang  iyang alta presyon tungod sa mga kontrobersya nga milambigit kaniya ning milabayng adlaw.

Nag viral ang video ni Bertiz, kung diin makita ang Congressman nga misupak sa kamaanduan sa seguridad  didto sa  Ninoy Aquino International Airport (NAIA),  nga hubuon ang sapatos pag-agi sa security control.

Makita sa  video nga iyang gilabni ang ID sa empleyado sa airport nga nagpahinumdum kaniya nga hubuan ang iyang sapastos.

Nagsugod ang mga kontroversiya  nga milambigit kang  Bertiz niadtong Enero 2017 didto sa Hongkong, kung diin makita sa usab  video nga nagsininggitay sila ni Eman Villanueva,  lider sa Overseas Filipino Worker  aol sa miting didto sa sulod sa Philippine Embassy sa Hongkong.

Ang ikaduhang kontrobersya, niadtong milabayng simana kung diin, gilamutak ug saway si Bertiz, kay nagkomidya kini  sa mga bag-ong mipasarnga agricultural ug biosystems engineer,  nga dili niya hatagan ug lisensya sa PRC (Professional Regulations Commission)  ang mga enhinyero nga wala nakaila kang Special Assistant to the President Bong Go.

Hangtud karon tua pa si Bertiz sa hospital.-Harold V. Pontongan/NewsLine.ph

Be informed
  • 141
  •  
  •  
  •  
  •  
    141
    Shares
  • 141
  •  
  •  
  •