DAKBAYAN SA DABAW (Oktobre 16)— Subling magpalipi pagka mayor sa dakbayan si Mayor Sarsa Duterte-Carpio.
Misumitir si Duterte-Carpio sa iyang Certificate of Candidacy (COC) kagahapon, wala pa niya ngalin kinsa ang iyang bise mayor.
Kuyog ang iyang bana nga si Attorney Manases Carpio sa iyang pag-adto sa Commission on Elections (Comelec).
Sa pakighinabi sa membro sa media, namulong si Duterte-Carpio nga iyang gihangyo ang iyang manghud nga si Sebastian “Baste” Duterte, nga modagan pagka bise mayor, apan wala pa kuno kini nakadesisyon.
Matud niya ang ilang amahan na nga si Presidente Rodrigo Duterte, ang magdesisyon kabahin sa plano ni ‘Baste’.
Apan, matud pa niya, basin kuno ug naay mo-file ug kandidatura kung dili modagan ang iyang manghud,
“Hulat lang mo sa katapusang adlaw sa pag-file ug COC, sa Mierkules, Oktobre17,” midugang si Dutetre-Carpio
Si Sara ang nangulo sa mga kandidato sa Hugpong ng Pagbabago (HNP) nga nakig-alyansa sa Hugpong sa Tawong Lungsod (HTL), ang lokal nga grupo sa politika nga gimugna sa iyang amahan nga si Presidente Rodrigo Duterte niadtong tuig 2000.-NewsLine.ph