NAIA access pass ni Bertiz iyang gi-uli

Posted on

Si  Bertiz, nahimong kontrobersial human niya gi-haras ug gilabnihan ug ID ang empleyado sa NAIA niadtong Septembre 30, tungod kay gipahimumduman siya nga kinahanglan niya hubuon  ang iyang sapatos, subay sa kamanduan sa seguridad sa airport.

Apan, imbis nga motuman, iya man hinoung gidul-it sa nawong sa empleyado sa airport ang iyang NAIA access pass.

Ang iyang pagsumpak sa security protocol nakuhaan ug video, ug nahimo hinoun syang sumsuman sa social media ug gipanghimaraut siya sa mga netizens.

Tungod sa mga panghitabo,  nag-alta presyon ang Kongresistas ug nahospital  niadtong Martes.

Sa samang adlaw,  iyang gisugo ang iyang empleyado ug gipahatud ni Bertiz ang iyang access pass sa buhatan sa  Manila International Airport Authority (MIAA).

“Iyang gi-uli ang iyang ID, wala man namu to pangyo-a ug balik,” saysay ni  Jess Martinez ang hepe sa  Media Affairs Division sa NAIA.

Gibutyag ni Martinez sa Philippine News Agency, nga  gipahatud sa MAIA ang access pass sa Kongresista samtang tua pa kini sa hospital.

Una niini, gibutyag ni MAIA general manager Ed Monreal, nga wala  pay igong rason nga ilang kanselahon ang access pass ni Bertiz tungod kay wala pa  nahuman ang ilang  imbistigasyon.

PALIHUG BAHASA: congressman-bertiz-nahospital-kay-naghout-ang-dughan/

Ang access pass, ginahatag sa mga Kongresistas, kadagkuan sa Philippine National Police, membro sa diplomatic corps,  ug sa mga nagahatag ug seguridad sa Presidente.

Niadtong milabayng adlaw, namulong si Bertiz sa usa ka interbyu sa telebisyon, nga iyang i-uli ang iyang access pass aron dili maapektuhan ang ubang kongresista  ug uban pang naggunit niini sa iyang gidangatan.-Harold V. Pontongan/NewsLine.ph

 

Be informed
  • 2
  •  
  •  
  •  
  •  
    2
    Shares
  • 2
  •  
  •  
  •