3 ka suspetsadong rapist patay sa pulis operation

Posted on

DAKBAYAN SA ILIGAN (March 15) — Tulo ka suspetsadong rapists napatay atol sa police operation kaganinang kadlawon sa Barangay Simpak, Lala, Lanao del Norte.

Giila sa kapulisan ang mga napatayng biktima nga sila si Arnel Albarado, 47 , iyang igsoon nga si Rodante, 38, og Vinson Dela Cerna, 42, pulos residente sa maong barangay.

Gibutyag ni Senior Inspector Jonan Bañas, hepe sa Lala Municipal Pulis Station, nga duha ka grupo ang naghimo sa operasiyon batok sa mga suspetsado aron itunol ang batok kang Arnel og Dela Cerna, sa paglapas sa Republic Act 10591 or the Comprehensive Law on Firearms and Amnunitions for illegally possessing firearms.

Samtang laing grupo ang naghimo ug buy-bust operation batok kang Rodante , apan una pa man makadoul ang kapulisan, iya na kunong gipabuthan ang kapulisan ug ang aset.

Ang tulo, suspetsado sa paglugos sa usa ka minor de edad niadtong miaging bulan. Napalgan ang biktima doul sa ilang pinuy-anan.

Ang kaso batok sa tulo nasang-at na sa korte sa Iligan, sumala ni Bañas.-Divina Suson/NewsLine.ph

Be informed
  • 87
  •  
  •  
  •  
  •  
    87
    Shares
  • 87
  •  
  •  
  •