DAKBAYAN SA DABAW— Patay gilayon ang usa ka 39-anyos nga nailhang si Melanie Ligan nga pasahero sa mitsubishi adventure nga gimaneho ni Edgardo Gan alas 12:20 Biernes sa udto sa Guerrero St. Corner Ramon Magsaysay St. Davao City human gibanggaan sa naghaguros nga armored car.
Sa imbistigasyon sa Sta Ana Police Station Traffic Division nagdagan ang mitsubishi adventure sa dalang Guerrero paingon sa Juan Luna St. sa dihang gibanggaan kini sa naghaguros nga armored car nga gimaneho ni Kenneth Barbarona.
Sumala sa mga nakakita, naghaguros ang armored car.
Sa kakusog sa impact sa bangga natumba ang duha ka sakyanan ug napagan pa ang usa ka motor.
Nakit-an sab sa mga imbistigador ang agi sa ligod kung diin makita ang marka sa ligid sa dihang niprino kini.
Nailhan ang duha ka pasahero nga sila Jorric Vega ug Ronnie Sumaliray naka angkon ug mga pangos samtang ang driver sa adventure nga si Gan ang gidala sa ospital lakip na ang driver sa motorsiklo nga si Wilfredo Liktawa Jr.
Kasong Reckless Imprudence Resulting to Homicide, serious injury ug damaged to property ang atubangon sa driver sa armored car nga si Barbarona.-Reeya Nuñez
