DAKBAYAN SA DAVAO (Agosto 9) –Duha ka mga airport sa Shanghai ang nagkansela og kapin sa 1,300 ka mga flight ug gibalhin sa mga awtoridad ang mga 300,000 ka mga tawo sa palibot nga mga rehiyon samtang nangandam ang China alang sa Bagyong Dolphin, human ang bagyo nagdala og kusog nga ulan sa amihanang Taiwan.
Ang bagyo miigo ma sa amihanang Taiwan sayo karong adlawa, Sabado, lakip ang kaulohan nga Taipei, nga nagdala og ulan. Gikansela usab sa pipila ka mga airline sa Taiwan ang ilang mga flight paingon sa China niadtong Domingo.
Ang pinakataas nga kusog nga hangin sa bagyo gibanabana nga mga 162 kilometros matag oras (101 mph) sa Domingo sa buntag. Nagdala kini og kusog nga ulan, nga nagmugna og risgo sa grabe nga pagbaha ingon man mga landslide ug gilauman nga moigo sa probinsya sa Zhejiang ug amihanang mga bahin sa silingang probinsya sa Fujian sa ulahing bahin sa Domingo.
Gitagna sa mga forecaster sa China nga ang mga lugar mahimong makakita og 200-400 mm (7.9–15.7 pulgada) nga ulan sa sunod nga pipila ka adlaw. Ang mga awtoridad nagpasidaan sa grabe nga peligro sa landslide sa Zhejiang.
Ang mga tugpahanan sa Hongqiao ug Pudong sa Shanghai, matag usa, nagkansela usab og mga 60% sa gipaabot nga mga flight sa Domingo, sumala sa Paper, ang state media sa Shanghai.
Niadtong Sabado sa gabii, ang mga awtoridad sa Zhejiang nagbakwit og mga 390,000 ka mga tawo sa siyudad sa Taizhou. Ang mga awtoridad sa Shanghai nagbakwit og mga 30,000 kapin gikan sa mas delikado nga mga lugar.
Gisuspinde usab sa mga awtoridad sa Zhejiang ang tanang mga kalihokan sa tubig, lakip ang mga ferry ug cruise.
Dinhi sa Pilipinas nagsugod na og baha sa Metro Manila og nakasinati na ang kusog nga ulan labi na sa Occidental Mindoro.-Newsline
 nga ulan sa sunod nga pipila ka adlaw. Ang mga awtoridad nagpasidaan sa grabe nga peligro sa landslide sa Zhejiang.){kind=link}