DAKBAYAN SA DAVAO (Agosto 9) –Gisentensyahan sa korte sa Japan, nga mapriso sa tibouk niyang kinabuhi ang usa ka Pilipinong technical interm human namapatud-an nga iyang gipatay ang duha (2) ka Cambodian nga iyang kauban sa kuarto sa usa ka apartment Tomisato, Chiba Prefecture doul sa Tokyo niadtong 2022.
Sa desisyon nga gipakagawas ni Chiba District Court, Presiding Judge Satoshi Miyamoto, gipasabot niini nga bisan pa man nga ang akusado nga si Bulan Roel Bulan, 35, nakasinati og stress ug ubos nga pagsalig sa kaugalingon tungod sa napakyas nga mga plano sa trabaho ug dili pagkaparehas sa sweldo tali kaniya ug sa mga Cambodian intern, ang iyang mga aksyon dili makatarunganon.
Sumala sa Huwes nga si Miyamoto, giayo og tratar sa mga biktima si Bulan, ug dili nila sala ang nahitabo sa iyang kinabuhi. Gilulagway sa hues nga ang nakitabo usa ka brutal nga krimen.
Namatikdan nga gipasakitan ni Bulan ang iyang kaugalingon human sa iyang pagpatay sa mga biktima.
“Ang motibo sa pag-apil sa mga biktima sa iyang paghikog pinaagi sa pagpatay kanila wala’y lain gawas sa pagkahakog.”
Aron maabsuelto unta sa kaso, nangatarungan ang abogado ni Bulan, nga aduna kini schizophrenia sukad pa sa iyang pag-abot sa Japan ug legal nga nabuang sa panahon sa pagpatay.
Ang schizophrenia usa ka seryosong sakit sa pangisip nga makaapekto sa paagi sa paghunahuna, pagbati, ug paggawi sa usa ka tawo. Tungod niini, lisod usahay para sa pasyente ang pag-ila kung unsa ang tinuod ug unsa ang dili.
Apan, nakita sa korte nga ang akusado hingpit nga responsable sa krimen, ug gani nakasabot kin isa mga panghitabo sa iyang palibot.
Sumala sa hukom, mga alas 1:30 sa kaadlawon niadtong Mayo 26, 2022, gidunggab ni Bulan ang mga Cambodian nga sila si Mong Samet, 25 anyos, ug Chhat Chhit, 20 anyos, sa dughan gamit ang kutsilyo sa kusina sa usa ka apartment sa Tomisato.-EZC
