DAKBAYAN SA DAVAO-– Duha ka nga residente ang grabeng nasamdan human sila napagan sa engkwentro tali sa duha ka grupong Moro niadtong Miyerkules sa gabii didto sa Mamasapano, Maguindanao del Sur.
Sa taho ni Bangsamoro Police Director Brig. Gen. Prexy Tanggawohn, sa Maguindanao del Sur Provincial Police Office, giila niini ang mga biktima nga sila si Miden Sabpa Dalana ug Mohamiden Midtimbang Dasil.
Gisaysay ni Tanggawohn nga padayong gintambalan ang duka ka biktima sa hospital.
Si Dalana ug Dasil natanggong sa tunga-tunga sa duha ka grupo nga nag away nga puros armado og M14 ug M16 assault rifles.
Ang usa ka grupo gipangulohan ni Zainudin Kiaro, samtang ang usa sa panguna ni Commander Badruddin, ang duha ka grupo nag-engkwentro sa hilit nga dapit sa Barangay Pembalkan.
Sa inpormasyon nga nakuha sa PRO-BAR nahibaw-an nga ang duha ka grupo parehong nailhan nga kaalyado sa Dawlah Islamiya ug Bangsamoro Islamic Freedom Fighters, nga giingong nalambigit sa sa pagpamomba sa Central Mindanao sukad niadtong 2014.
Gipaningkamutan sa kapulisan ug kasundaluhan nga ang duha ka grupo dili na makahimo sa susamang salaud ug likayan nga maotro ang panghitabo.
