DAKBAYAN SA DAVAO ––Napildi sa 25-anyos nga Cebuana nga si Alreen Ando ang bugtong Olympic Gold Medalist sa Pilipinas nga si Hidilyn Diaz-Naranjo atol sa IWF World Cup 59kg division nga kompetisyon nga gihimo sa Thailand niadtong Mierkules sa gabii.
Si Diaz, 33, napildi ni Ando, nga mamahimong representate sa Pilipinas sa Paris weightlifting human niini nasungkit ang korona human sa ikapito nga hugna ug dunay total nga 228kg.
Si Elreen Ando mitangtang sa Tokyo Olympics gold medalist nga si Hidilyn Diaz-Naranjo gikan sa Top 10 sa IWF Olympic Rankings alang sa women’s 59kg division sa World Cup sa Thailand.
Si Ando, ang Cambodia SEA Games gold medalist nakaalsa og kinatibuk-ang 228 kilos, kini usa ka bag-ong rekord sa Pilipinas ug nga nagbutang kaniya sa ika-7 sa ranking. Nakaalsa siyag 100 kilos ug 128 kilos.
Bisan sa iyang napildihan, gisaysay ni Diaz nga magpadayon sya sa women’s weightlifting.
Si Diaz-Naranjo, kinsa usa lang ka kilo sa likod ni Ando sa alsa og 99 kilos, apan, napakyas sa pag-alsa og 127 kilos sa katapusang duha niya ka pagsulay human sa paghawan sa 123 kilos.
Si Ando nakahimo og duha ka bag-ong rekord sa Pilipinas, 128kgs ug 228kgs sa total lift nga nakapapas sa 127kgs ug 224kgs nga total nga nahimo usab ni Hidilyn sa 2023 World Championships sa Riyadh.
