DAKBAYAN SA DABAW (Disyembre 20)—Padayong gigukod sa kasundaluhan og kapulisan ang mga rebeldeng New People’s Army nga midagit sa duha ka sundalo og 12 ka mga CAFGU didto sa Barangay New Tubigon, Sibagat, Agusan del Sur, kagahapon sa kaadlawon, Disyembre 19.
Sa pahayag sa usa ka Sandara Amihan, tigpamaba sa mga NPA, iyang gibutyag nga ang mga sundalo ug CAFGU ilang gikonsidera nga mga POWs (prisoners of war).
Gibutyag ni Amihan, nahimo nila ang pagparonda sa detachment sa mga CAFGU mga walay nausik nga bala.
Matud niya, ang pag pangronda ug pagdagit sa mga sundalo, tima-ilhan nga walay kamatuoran ang gipasiatab sa mga sundalo nga wala nay puersa ang mga NPA ug wala na sila suportahe sa masa sa rehiyon sa Caraga.
Midugang si Amihan nga dili nila buhian ang ilang dinagit hangtud mahuman ang ilang imbistigasyon sa mga kaso sa sundalo nga may kalambigitan sa mga krimen nga gilangkuban sa rebolusyonaryong kalihukan.
Gipaniguro ni Amihan sa pamilya sa mga bihag, nga sila, ilang giatiman pag-ayo.
Matud pa ni Maj. Gen. Ronnie Villanueva commander of the 4th Infantry Division, mokabat sa 50 ka mga rebelde gikan sa sub-regional Sentro de Gravidad Westland nga gipanguluhan ni alias “Momoy” og sa Guerrilla Front 30 mga tao ni alias “Megan” ang mi-ronda sa New Tubigon Patrol Base at Kagahapon sa alas 3 sa kaadlawon.
Ang pag-pangataki ug pag-pamihag nahitabo human mideklara ang goberno niadtong Martes nga dili kini mohatag ug “Ceasefire” sa kumunistang grupo basi sa rekomendasyon sa kasundaluhan.
Ang partido kumunista nagdeklara ug “Unilateral ceasefire gikan sa Dec. 24 hangtud 26 og Dec. 31 hangud Jan. 1, 2019.
Si President Rodrigo Duterte niadtong Martes namahayag nga dili angayang kaloy-an ang mga rebelde tungod kay sila mga kriminal.
Si Lt. Col. Rhoderick Parallag, commanding officer sa 3rd Special Forces Battalion, nagbutyag nga gitabangan na karon ug pangita sa iyang grupo ug sa kapulisan ang mga mikagiw nga mag rebelde.-EZC/NewsLine.ph
