SI INTERNATIONAL Master (IM) Paulo Bersamina nakamugna og back-to-back nga
kadaugan human niya gi-dominar ang ika- unom nga leg sa Philippine Bullet Chess
Championship niadtong Sabado.
Presko pa gikan sa iyang paghari sa ika- limang leg kaniadtong Abril 18, gilupig ni
Bersamina si IM Joel Pimentel sa final round aron maangkon ang korona sa ika-unom
nga leg sa online nga torneyo.
Maayong pagkadula ni Bersamino sa iyang mga itom nga mga piyesa nga miresulta sa
pag-resign Pimentel sa ilang Queen’s Pawn Game.
Ang beterano sa World Chess Olympiad ug si FIDE Master (FM) Arden Reyes nigawas nga nagtabla sa unang dapit, apan ang 22-anyos nga si Bersamina ang nakabulsa sa P3,000 nga premyo human sa tiebreaker.
Si Reyes, kinsa ni-mate kang first-leg champion Grandmaster (GM) Rogelio
Barcenilla Jr. sa final round, nahuman sa ika-duhang dapit.
Ang nikumpleto sa Top 10 sa ika-unom nga leg sa torneyo mao silang FM Sander
Severino, Michael Concio, Karl Ochoa, Barcenilla, Allan Asuela, IM Daniel
Quizon, FM Deniel Causo, ug IM Jan Emmanuel Garcia.
Ang ika-pitong leg sa torneyo pagadulaon karong katapusan sa semana, Mayo 2.
Ang online nga torneyo gipasiugdahan sa National Chess Federation of the Philippines ug gisuportahan sa Philippine Sports Commission. (LBG)
